Rólegheit með Ragnheiði

The land of the free

2006-08-18T12:23:00.000Z

Við erum komin til Ameríku! Tékkið á ferðablogginu okkar The Rages

Rólegt í blogginu

2006-08-02T00:21:00.000Z

Það er ýmislegt í bígerð þessa dagana. Þessi mynd hérna fyrir ofan er smá undibúningur á því þegar þið hittið okkur Ragga um Jólin.

Þvílíkur dagur!

2006-07-22T21:55:00.000Z

Vá, snilldin er í Kolaportinu. Kynntist nýju fólki m.a. konu í glans leggings, dúkkusafnara og sölufólki, fékk konu frá Fillipseyjum til að fara og læra Japönsku, hitti yndislega vini mína, fékk knús og kannski of miklar strokur frá há öldruðum karlmanni, seldi og seldi, fékk mér bestu kókóskúlu sem ég hef bragðað, var rænd og tapaði veðmáli. Allt á sama degi.

Dúndursvölsúpersala í Kolaportinu næstu helgi!!!!!!!

2006-07-18T23:59:00.000Z

Ég vil láta alla vita að næsta laugardag ætlum við Raggi að losa okkur við eins mikið af dótinu okkar og við getum í Kolaportinu! Þetta verður all-svakalegt. Nú verður hver seinastur að hlaupa og kaupa!!
Til sölu verða t.d. bækur, blöð, geisladiskar, fullt af fötum, skóm, töskum, fylgihlutum, borðbúnaði, verkfærum og Friday Fans vörur á frábæru verði!
Veriði skjót og kaupið dót! Margur er knár, þegar hann kaupir dót! Neyðin kennir naktri konu að kaupa! Þeir sletta dótinu sem eiga það! Dót er það sem þið þurfið!

Kaup-kveðja

Raggi og Ragnheiður

Worst movie ever! og hver vill kaupa dót??

2006-06-25T23:32:00.000Z

Ég var næstum því hætt við að flytja til Bandaríkjanna í dag. Það sem varð þess valdandi að ég fylltist viðbjóði gagnvart landi og þjóð var ein leiðinlegasta og lélegasta mynd sem nokkurn tímann hefur verið framleidd í Bandaríkjunum eða bara alls staðar. The hills have eyes. Ég hef lítið annað að segja nema: ekki sjá þessa mynd nema að þú viljir sjá mikið eftir þessum tveimur tímum af ævi þinni. Annað eins rusl hef ég ekki séð síðan ég sá Dawn of the dead. Oj oj oj, hvað varð um góðar hyllingsmyndir. Hef ekki séð eina góða síðan The Others. Crap!
Á léttari nótunum, þá er ég annars mjög spennt að flytja í land lélegu hrollvekjanna og við eiginmaður minn (við Raggi giftum okkur 9 júní fyrir þá sem ekki vissu) ætlum að selja ýmis húsgögn og hluti á góðu verði. Ætla að byrja á því að auglýsa hér og sjá hvort eitthvert ykkar vantar ódýr Ikea húgögn. Hérna er það sem er í boði:

-1 stykki tveggja sæta Ikea sófi + rautt áklæði sem hægt er að taka af og þvo. Mjög góður sófi fyrir einn að kúra í á kvöldin og sofna yfir sjónvarpinu í. Það er svo hægt að fá áklæði í öllum litum í Ikea til að breyta um og hafa í stíl við umhverfi eða outfitið þann daginn.

-1 stykki Ikea sófaborð með stálfótum og viðar-borðplötu. Sennilega um 1,50 á breydd. Mjög fallegt og vandað stofuborð fyrir fátæka námsmanninn.

-2 skrifborðstólar úr Rúmfatalagernum sem hægt er að hækka og lækka (úúúú). Einn svartur og einn blár.

-1 sjónvarp (samsung) circa 23 tommu. Þetta sjónvarp er síðan 1997 en hefur reynst mjög vel
og er enn í góðu standi. Hef ekki lennt í neinu veseni með það.

-1 ískápur með sér frysti fyrir ofan.

-4 hillur, allar úr Ikea. Misjafnlega stórar og breiðar.

-1 hvítur Ikea plast stóll plús skammel. Virkar vel sem garðstóll, má nota í öllum veðrum.

-Svo erum við með eitthvað af leirtaui, fötum og dóteríi ef einhver hefur áhuga.

Þig getið sent með email á rosp@umemi.com ef þið hafði áhuga.

Hönnunarmarsípan

2006-06-04T18:18:00.000Z

Ég hef ákveðið að endur-opna hönnunarbloggið mitt Design Marsipan
Nú verðið þið að vera dugleg að kíkja og commenta, annars eruð þið ógeðslega púkó!

Hot damn!

2006-05-28T22:11:00.000Z

Shit ég vissi að ég sankaði að mér drasli en þetta er nú bara orðin einhver manía. Ég horfði einmitt á mynd í gær sem heitir 'Everything is Illuminated' með Elijah Wood í aðalhlutverki. Þar leikur hann safnara sem safnar að sér hlutum frá fólki og stöðum af því að hann er hræddur um að gleyma minningunum. Ég á við alveg sama vandamál að stríða, ég þori ekki að henda neinu af því að ég er svo hrædd um að gleyma minningunni sem tengist hlutinum. Ég er líka hrædd við að henda dóti af því að ég held alltaf að ég geti notað það seinna. Svo situr það inni í geymslu og safnar ryki í mörg ár. En já talandi um geymslur, þá var ég að byrja á því áðan að fara í gegnum mína og Drottinn minn hvað það er ógeðslega mikið drasl þarna inni. Núna er bara að henda og svo vorum við að spá í að leygja bás í Kolaportinu af því að við eigum fullt af dóti sem má selja líka. Við þurfum líka að losa okkur við sófa, sófaborð, hillur, stóla, föt og alls kyns dóterí sem værri ekki verra að fá smá pening fyrir.
Það er alveg ótrúlegt hvað maður getur safnað að sér miklu drasli, en ég verð bara að sætta mig við það að ég er og verð alltaf safnari.

Á meðan ég man, veit einhver email adressuna hjá Melinu, sem var skiptinemi í FS? Mér hefur tekist að týna henni og mig langar svo að hafa samband af því að hún býr í Ann Harbor, rétt hjá þar sem við verðum. Anyone?

Glamour shot

2006-05-26T19:25:00.000Z

KakóRósin

2006-05-19T14:23:00.000Z

Yep, ég er í fríi. Sit heima, browsa netið, plana flutning og geri læknisfræðilegar tilraunir á sjálfri mér. Það minnir mig, þarf að hringja í Bandaríska sendiráðið.
Mig langaði bara aðeins að spjalla um undurfagra tónleika á miðvikudaginn þar sem tvær ótrúlegar konur spiluðu, sungu, röppuðu og breikdönsuðu. Ég er að tala um CocoRosie tónleikana ef einhver er ekki að kveikja á perunni. Þær voru æði. Ást mín á CocoRosie hefur aukist um helming eftir að hafa fengið að sjá þær á sviði. Best fannst mér samt tributið til Lil Kim, úje the Queen B! Hef sjaldan verið eins dolfallin á tónleikum.
Jæja, ætla að hringa í sendiráðið af því mig langar það svo ógeðslega mikið.
Eins og sannur Ameríkani myndi segja...Howdy

Þá er það ákveðið

2006-05-01T22:46:00.000Z

Við erum að fara til Michigan! Home of the Wolferine and the Detroit Pistons haha. Ég get ekki beðið!!!

Driiiinnng driiiiinnnng

2006-04-30T00:59:00.000Z

Nei hann er ekki fundinn, en ég og minn kæri fórum í Kringluna í dag og keyptum okkur nýja síma. Ég keypti mér alveg eins og minn gamla, enda elskaði ég þann síma heitt og finnst hann ógeðslega flottur. Raggi keypti sér líka Ericson síma með einhverju svona 20 númera nafni, man ekki hvað hann heitir.
Við erum búin að gera allt sem hægt er að gera með nýju símana. Ég náði mér í 2 hello Kitty þemu og eitt Louis Vuitton, mjög glamúrus. Raggi náði sér af sjálfsögðu í World of Warcraft þema. Þegar hann hringir í mig birtist mynd af honum að tala í gemsann sinn og lag með The Shins hljómar undir. Þegar ég hringi í hann kemur mynd af mér að tala í gemsann minn og Pump up the Jam með Salt ´n Peppa undir. Okkur finnst rosa gaman að hringja í hvort annað og sjá myndirnar. Erum búin að gera það nokkrum sinnum í kvöld eins og sönnum nördum sæmir. Þegar aðrir hringja í mig kemur lag með Le Tigre og á morgnanna vakna ég við Tombstone með Peaches. Ég er svo rosa ánægð með nýja símann og ætla sko að passa að enginn fingralangur komist að honum.
Frí í vinnunni á mánudaginn og þá þurfum við líka að ákveða hvert við erum að fara. Það lítur út fyrir að það verði America þar sem Holland er engan veginn að hafa fyrir því að svara. Ég er alveg 100% sátt við Ameríkuna, enda hefur mér á fáum stöðum skemmt mér eins vel. Kemur allt í ljós á mánudaginn.
Mínar kæru vinkonur Petra og Kamilla eru á leiðinni á klakann! Hlakka mikið, mikið til að sjá þær. Ég minni líka á útskriftarsýningu Listaháskólans í Hafnarhúsinu, opnar næstu helgi á laugardaginn sennilega.

Gleðilegt sumar

2006-04-20T22:44:00.000Z

Við Raggi eyddum fyrsta degi sumarsins í hræðilegri þynnku. Úfff, hvað varð um úthaldið sem maður hafði þér forðum. Skelltum okkur á Roni Size á Nasa í gær. Það var ágætt. Hefði samt viljað nota daginn í annað höfuðverk og ógleði.
Ég var að fá email frá Eindhoven, svarið er ekki komið af því að þau geta ekki ákveðið hvort þau eiga að hleypa mér inn eða ekki haha. Ég er nú bara ánægð að þau séu í það minnsta að íhuga að hleypa mér inn af því að þetta er sennilega einn erfiðasti hönnunarskólinn að komast inn í. Ég samt hallast að Cranbrook. Verð að vera búin að gefa endanlegt svar þar 1. maí þannig ef að Eindhoven hefur ekki svarað þá það erum við að fara til Ameríku.
Ég er alveg með fiðrildi í maganum þessa dagana, trúi ekki að við séum að fara. Nú er bara að fara að undirbúa sig andlega fyrir þetta allt saman. Ætla að byrja að mæta aftur í sjálfshjálparhópinn á miðvikudögum og reyna að æfa mig í því í sumar að takast á við kvíðann. Er líka búin að vera í huglægri atferlismeðferð í vetur sem er búin að hjálpa mér mikið. Það er bara að duga eða drepast :) og síðari hlutinn er ekki í boði hehe.
En alla vega, gleðilegt sumar!

Aftur í venjulegheitin

2006-04-18T21:21:00.000Z

Ooooo hvað það var geðveikt gott að komast loksins í smá frí. Á miðvikudaginn strax eftir vinnu var brunað í Vík og vá hvað það var æði að komast í burtu. Við fórum í göngur, tókum myndir, spiluðum, sváfum, borðuðum allt of mikið af óhollum mat, fórum í Víkurprjón þar sem ég keypti mér sokka með Lunda mynd á, fórum upp á Dyrhólaey og í Reynishverfi. Þetta var alveg æðisleg ferð. Ég slappaði svo vel af og reyndi að hugsa ekkert um vinnuna á meðan. Það var líka alveg myglað að fara aftur í vinnuna í morgun. Sem betur fer er aftur frí á fimmtudag og svo helgi. Thank God. Ég er að kreista mína seinustu dropa af þolinmæði og umburðarlindi í vinnunni. Ég býð bara eftir að ég strunsi út og hætti þegar ég lendi á næsta fávita. Ég var einmitt að spá í að fara í Nornabúðina og kaupa mér fávitafælu og gá hvort hún virkar. Hafa hana í vasanum í vinnunni haha.
Ég er að reyna að draga Ragga með mér til London í sumarfríinu mínu (15 maí for my fans out there). Bara svona skemmtiferð, ekkert shopperí eða neitt svoleiðis, bara heilsa upp á Sigrúnu og Co og fara á söfn, út að borða og kannski smá djamm. Ég hef einu sinni farið til London og varð alveg ástfangin. Ég sé soldið eftir því að hafa ekki sótt um í Royal College, skólagjöldin eru bara svo himin há og það er drullu dýrt að búa í London.
Talandi um skólamál þá þarf ég að fara að láta Cranbrook vita og hef ekki en fengið svar frá Eindhoven. Þau ætluðu að láta mig vita fyrir 3 vikum síðan. Vitum ekki en hvað við ætlum að gera, en við erum alla vega að fara út, my ticket out of this hell hole...hehe djók.
En já, það er byrjað að birta og ég finn að ég er að fyllast orku. Er alveg að fíla það. Ég elska sumarið og hlakka mikið til að gera eitthvað skemmtilegt í sumar. M.a. fara á Cocorosie tónleika í maí víví.
Ég ætla að fara og horfa á sjónvarpið og bíða eftir að pósturinn komi með fötin sem ég var að pannta á Hellbay.
Bæbæ

Ragnheiður

Nýjar vörur

2006-04-08T22:56:00.000Z

Það eru komnar nýjar vörur á Friday Fans. Klikkið á myndina til hliðar :)

Ég er vinningshafi

2006-04-06T21:21:00.000Z

Ég hef aldrei unnið neitt á ævinni nema einu sinni í Páskabingói í Hagkaup. Í dag vann ég fyrsta sæti í hönnunarsamkeppni sem Design Sponge og Fred Flare héldu saman. Ég er alveg hlessa en rosa ánægð, loksins veit ég hvernig það er að vinna eitthvað!

Komið gott

2006-04-06T21:12:00.000Z

Ég heiti því hér með að eftir júlí mánuð mun ég aldrei, aldrei ég endurtek ALDREI vinna við afgreiðslustörf aftur á minni æfi. Fyrr mun ég tyggja glerbrot.
Allt leiðinlegt, tillitslaust, eigingjarnt og frekt fólk getur farið í rass og rófu.
Takk fyrir.

Ragnheiður

Ég hef ekkert breyst.....

2006-04-03T22:04:00.000Z

Ég fór í Nexus á laugardaginn og keypti mér Dirty Dancing, Amelie og Rosemary´s baby. Það kemur mér á óvart hvað mér finnst Dirty Dancing enþá ógeðslega skemmtileg bara næstum því alveg jafn mikið og þegar ég sá hana fyrst þegar ég var 6 ára. Ég man eftir því að hafa keypt mér soundtrackið þegar ég fór til Flórída og læst mig inni í herbergi og söng með fyrir framan spegilinn. Ég man líka þegar ég og Sunna vinkona tókum lokadansinn í myndinni eins og okkur einum var lagið inn í herberginu mínu á Vallargötunni. Þetta er æðisleg mynd með frábærri tónlist. Ég held ég hafi bara lítið breyst síðan ég var 6 ára.

Nýr meðlimur

2006-04-01T16:58:00.000Z

Nýja dúkkan mín er komin svo var Raggi að kaupa rosa flotta myndavél og tók þessa flottu mynd og var að opna flickr síðu
www.flickr.com/photos/ragnarfreyr tékkið á henni.
Vörurnar okkar eru komnar í Nakti apinn kíkið þangað líka, rosa skemmtileg búð!
Hef ekki en heyrt frá Eindhoven en bíð með hjartað í buxunum.
Ætla að fara og borða nammi og horfa á vídeó.

Coming to America?

2006-03-27T23:42:00.000Z

Ég var að fá bréf frá Cranbrook, er komin inn!! :D Ví ví. Nú bíð ég bara eftir svari frá Hollandi.

Niðurtalning....

2006-03-26T21:23:00.000Z

Jessssss, núna eru bara tvær og hálf vika í hið langþráða páskafrí! En þá ætlum við að skreppa í gömlu góðu Vík með mömmu, pabba, Sigríði, Bigga og afa. Ég get ekki beðið. Nokkrir dagar í burt frá borginni er einmitt það sem mig vantar núna. Raggi er að fara að kaupa sér mjög fansí myndavél í næstu viku þannig að hún verður tekin með og farið verður í marga góða göngutúra í náttúrunni og teknar skemmtilegar myndir. Vá hvað ég ætla að slappa af og njóta þessa að vera í fríi.
Það er búið að vera svo yndislegt veður í dag, þrátt fyrir kuldann. Maður finnur að vorið er að koma. Það er birtan sem að kemur mér frammúr á morgnanna núna. Vá hvað mér finnst myrkrið erfitt á veturna, sérstaklega þegar maður þarf að vakna í vinnu, shhiiii.
Ég fann svo geðveika vintage búð á ebay áðan. Bauð í 5 flíkur sem ég vona svo að ég vinni. Alveg geggjuð föt þarna, svolítið lítil, en ég ætla mér að passa fullkomlega í þau í sumar. Enda er ég ekki búin að borða nammi í 3 vikur nema á nammidögum. Er reyndar aðeins búin að svindla núna um helgina, með mánaðarlegri, sjúklegri löngun minni í súkkulaði. Þá er ekki aftur snúið. Svo keypti Raggi handa mér ógeðslega flott leður vintage kúreka stígvél á Ebay. Mig vantar nauðsynlega föt fyrir sumarið. Ég á helling af þeim en einhverra hluta vegna er ég alltaf í þeim sömu. Íhaldssemin að fara með mann.
Ég er en að bíða eftir svörum frá skólunum og eftir því að Scott hringi. Vona að hann sé ekki búinn að gleyma mér, er að hugsa um að senda honum email.
Jæja, nú ætla ég að fara og njóta afgangsins af sunnudeginum.
Eigið gott sunnudagskvöld.
Laters gaters

Ragnheiður

Óður til Vallarins

2006-03-20T20:09:00.000Z

(Spilið God Bless America á meðan þið lesið þennan texta)
Já, mér finnst það mjög skrítin tilfinning að Völlurinn sé að fara. Því meira sem breytist með tímanum því eldri finnst mér ég vera, sem er auðvitað lógískt. Völlurinn hefur verið partur af mínu lífi síðan ég man eftir mér, ábyggilega 1/4 af öllu fólki sem ég nokkur tímann hef þekkt hefur einhvern tímann unnið þar, m.a. mamma, pabbi, vinkonur mínar og vinir, frænkur, frændar, you name it. Ætli fyrstu minningar mínar af Vellinum séu ekki að fara í bíó með Kamillu og Inga Þór en hún Rúna mamma þeirra hefur stjórnað bíóinu þar frá því að við vorum lítil. Það var ekkert smá spennandi að fá að fara og sjá allveg glænýjar myndir og borða amerískt nammi. Svo var það Wendys, Baskin Robins, Karnivöl, heimsóknir í skólanna með skátunum og tónlistarskólanum, keila, maður eignaðist ágætis vini þarna, það var alltaf spennandi að fara upp á völl, næstum því eins og að vera bara í Bandaríkjunum nema að það tók bara 5 mínútur að fara þangað.
Já ég held að ég eigi bara eftir að sakna Vallarins dálítið og það eru ábyggilega margir góðir starfsmenn sem eiga eftir að missa vinnuna sína þegar hann fer. Ef ég þekkti Völlinn ekki neitt myndi mér finnast þetta allt saman gott og blessað, en það verður soldið skrítið að segja bless. Fyrir þá sem eru að hugsa sig um að fara upp á völl og byrgja sig upp af Big Red og fjólubláu Fanta, þá er byrjað að selja m.a. Big Red í Nóatúni ;) úúúú je.

Day in a life......

2006-03-14T22:19:00.000Z

Ég hef ákveðið að fylgja Ragga (sem er í bloggpásu) og gefa ykkur lesendum tækifæri á að skyggnast inn í æsispennandi líf mitt! Þið lofið að fara ekki með þetta í blöðin....

7:45 Klukkan í símanum hringir, ég myndi gefa allt fyrir að fá að sofa lengur.
Það seinasta sem mig langar að gera á þessum tímapunkti er að fara í vinnuna. Fer inn á bað og mála mig. Kíki út um gluggan og vona að það sé gott veður. Ef það er gott veður og bjart, er mun auðveldara að koma sér út.

8:00 Fer og vek Ragga. Hann vaknar vanalega með mér en á það til að sofa lengur af því að hann er sinn eigin herra. Can´t blame him.

8:05 Klæði mig, greiði mér, fæ mér AB mjólk með granóla múslí og bursta tennurnar. Ég verð að bursta tennurnar eftir að ég borða, hef alltaf verið svoleiðis.

8:30 Rölti út á strætó stöð, ef ég er ein set ég upp Ipodinn, Bítlarnir eru heitir þessa stundina og hressandi á morgnanna.

9:00 Mætt í vinnuna, helli upp á, fæ mér kaffi og fer að flokka lyfseðlana. Afgreiði, fylli á lyfin, taxera lyfseðla etc.

12:00 Matur loksins, sest inn á kaffistofu og les Blaðið. Ef ég er heppinn kemur pabbi eða Jóhanna vinkona og bjarga mér í annað umhverfi.

13:00 Fer aftur að vinna eins og mofó. Fleiri lyf að fylla á. Mest að gera eftir hádegi, hrúga af lyfseðlum og fólki. Það væri næs ef það væri einum fleiri í vinnunni.

16:00 Fer í kaffi, hringi stundum í Ragga og spjalla. Er á þessum tímapunkti orðin mjög óþreyjufull að komast heim. Fjögur til sex er erfiðasti tíminn. Horfi á klukkuna á 10 mínútna fresti.

18:10 Þetta er að meðaltali sá tími sem við komumst út ef við erum heppnar og enginn er að hanga og versla í rólegheitum þó að búið sé að loka. Ég rölti af stað upp Hofsvallagötuna og niður í bæ. Skemmtileg leið að ganga og fín hreyfing. Hlusta á eitthvað þægilegt í Ipodinum eins og CocoRosie eða Bonnie Prince Billy

18:30 Kem niður í Front. Veg og met hvort ég hafi orkudropa eftir í að fara að sauma og hanna, ef já þá er ég dugleg annars tökum við Raggi strætó heim og ég horfi á sjónvarpið eða hangi í tölvunni. Hangi á dúkkuþráðum eins og alvöru nörd og skoða myndir af nýju dúkkunni minni sem ég er að bíða eftir (mynd fyrir neðan). Er enn að reyna að finna nafn fyrir hana.

22:00 Fer vanalega í heitt bað. Geri eitthvað fyrir sjálfa mig, set á mig maska, krem, eða eitthvað á þeim nótunum. Verð að fá eitthvað dekur eftir erfiðann dag. Mæli með Deep Heat freyðibaðinu, alveg yndislegt, stein sofna eftir eitt svoleiðis.

22:40 Horfi eiginlega alltaf á Sex and the City.

11:30 Fer inn í rúm að lesa. Er um þessar mundir að lesa æfisögu Jennu Jameson sem er mjög, mjög áhugaverð. Bursta tennurnar áður, þríf af mér málninguna og set á mig handáburð áður en ég sofna. Kyssi Ragga góða nótt, fer með bænir (hefð sem mér finnst ég einfaldlega aldrei geta sleppt).

12:00 Fer að sofa. Zzzzzz

Helgarnar mínar eru aðeins meira spennandi :D

Nýýýýý i hópinn

2006-03-13T21:15:00.000Z

Ákvað að vera góð við sjálfa mig í gær og kaupa mér nýja dúkku í safnið. Enda hef ég ekki keypt dúkku í hálft ár!
Ég ákvað að hugsa út fyrir Blythe kassann í þetta skipti (þó ég hafi alls ekki sagt skilið við hann) og keypti mér Suna dúkku sem er handgerð af japanska hópnum Moof. Ég get ekki beðið eftir að fá hana. Nú verð ég að fara að fá mér sér skáp fyrir safnið hehe.
Jiiiibbbbbbíííííííí

Hórsnjór

2006-03-12T18:09:00.000Z

Vá ég var svo viss um að það væri komið vor seinasta föstudag þegar ég rölti með Ragga niðrí miðbæ um kvöldið í algjöru lögni en svolitlum kulda, bjóst ekki við því að það færi bara að snjóa allt í einu. Hrækji á þennan plebbasnjó. Er alls ekki sátt við hann.
Við Raggi fórum í gær í Nakta apann, þetta var í fyrsta skipti sem ég fer þangað. Ótrúlega skemmtileg búð. Við töluðum við Söru sem rekur búðina ásamt Tolla Front meðlimi og fleirum. Þau ælta að taka inn vörurnar okkar sem er alveg frábært. Þær verða auðvitað aðeins dýrari en á síðunni en aðgengilegri. Við verðum samt líka með nýju vörurnar á síðunni.
Ég fékk ánægjulegt símtal frá henni Petru minni í gær og komst að því að það er 17 stiga hiti og sól í Kanada. Ég er komin með svo mikla útþrá og þrá í sumar að ég er að klikkast. Þessi snjór er ekki að hjálpa haha.
Annars er ég enþá að bíða eftir svörum frá skólunum, er komin í úrtaks hóp í Cranbrook og deildarstjórinn ætlar að hringja í mig bráðlega til að spjalla, hann heitir Scott Klinker og er algjör snillingur. Hann sagðist vera mjög ánægður með möppuna mína þannig að ég er bjartsýn. Svo sendi ég út til Eindhoven fyrir viku síðan og er bæði spennt og stressuð að heyra frá þeim.
Vá þetta blogg mitt er svo ógeðslega dapurt eitthvað, hef nánast ekkert að blogga um ef það snertir ekki hóstamixtúru eða plástur. Ég verð að fara að eyða meiri tíma í að hanna svo ég bara gleymi ekki hver ég er í raun og veru haha, finnst ég bara alltaf að vera að vinna.
Á jákvæðu nótunum, þá er Apríl mikill frí mánuður með mörgum skemmtilegum rauðum dögum sem ég ætla að sko að njóta til hins ítrasta.
En já, ég ætla að snúa aftur að mínu æsi spennandi lífi núna og fara og þvo þvott haha.
Hilsen

Ragnheiður

Saltkjöt og baunir túkall!

2006-02-28T21:16:00.000Z

Já ég get svo sannarlega sagt að saltkjöt og baunir kosta ekki túkall. Ég eldaði í fyrsta skipti saltkjöt og baunir í dag og var rosalega ánægð með útkomuna. Mikill léttir að vita að maður getur bjargað sér í eldhúsinu.
Ég kvíði morgundeginum, falskir krakkar í Sylvíu og sjóræningja búningum með nammislef út á kynnar sníkjandi meira nammi. Ég held að ég geti hugsað mér fátt verra. Hvað varð eiginlega um öskudagsandann, að fara og slá köttinn úr tunnunni og hengja öskupoka á fólk, er það gleymt og grafið? Þá var sko málið að sýnast og sjá aðra í nýja handsaumaða búningnum og þá var líka málið að vera frumlegur. Ég var t.d. einu sinni jólapakki, þegar ég settist á stól gat ég farið með hausinn og handleggi inn í kassann þar sem enginn sá mig, það var besti öskubúningur sem ég hef átt, mamma átti heiðurinn að honum. Ég var líka einu sinnu blóm og líka geimvera með uppþvottahanska á fótunum. Svo fór maður í Þotuna góðu og reyndi að spóka sig á dansgólfinu í búning sem var 1 fermetri. Gömlu góðu dagarnir.
Ég fór í bíó um helgina, mín frábæra vinkona sem ég hef ekki séð lengi, hún Aldís, kom í heimsókn og gisti eina nótt og við skelltum okkur öll saman á myndina Capote um rithöfundinn Truman Capote. Rosalega fín mynd, skildi þræl mikið eftir sig. Ég elska myndir sem gefa innsýn í fortíðina, sérstaklega þegar þær eru byggðar á sönnum atburðum. Ég mæli með þessari, hún er rosa góð.
Alllla vega, ég hef ákveðið að vera starfsmaður í apóteki á öskudaginn, ég gæti hugsanlega líka sett á mig hlustunarpípu yfir hvíta sloppinn og verið læknir, endalaust hægt að iproversera.
Ég ætla að fara og fá mér einn öllara.
Eigiði góðan öskudag.
Hilsen
Ragnheiður

Sniðugt

2006-02-22T20:42:00.000Z

Hvernig er ég?

Leikur frá Armidu

2006-02-14T18:51:00.000Z

Skrifaðu nafnið þitt í kommentadótið og...

1. Ég segi þér eitthvað handahófskennt um þig.
2. Ég segi þér hvaða lag/mynd minnir mig á þig.
3. Ég segi þér hvaða bragð minnir mig á þig.
4. Ég segi þér fyrstu ljósu minninguna mína af þér.
5. Ég segi þér á hvaða dýr þú minnir mig.
6. Ég spyr þig að einhverju sem ég hef velt lengi fyrir mér um þig.
7. Ef þú lest þetta verðurðu að setja þetta á bloggið þitt

Dawg

2006-02-13T19:01:00.000Z

Mig langar svo í hund, ekki bara einhvern hund heldur þennan. Þetta hlýtur bara að vera svalasti hundur sem ég hef séð. Hann talar ábyggilega líka og gengur með hatt haha.

Kebblaík

2006-02-12T21:19:00.000Z

Já ég get ekki annað en sagt að ég sé stoltur Keflvíkingur eftir að hafa horft á heimildamyndina um Bítlabæinn Keflavík. Þeir eru ófáir snillingarnir sem hafa komið frá víkinni góðu og samið yndislega tónlist. Við mamma vorum einmitt að tala um það að nú þyrfti bara að gera safndisk með öllum þessum skemmtilegu lögum svo að maður geti horfið aftur í tímann. Það er líka gaman að sjá að Keflavík er að endurheimta tónlistarstimpilinn með öllum góðu böndunum sem eru að koma fram á sjónarsviðið núna í dag.
Það er búið að vera nóg að gera þessa helgi, Raggi vann hönnunarverðlaun FÍT (félag íslenskra teiknara) á föstudaginn fyrir besta plaggatið, þannig að það var farið út að sprella á fóstudaginn. Á laugardaginn var ég allan daginn niðri í Front að vinna og sauma. Laugardagskvöldið var Buzz partý hjá Njalla og svo í dag er ég búin að vera niðri í Front. Ég hefði ekkert á móti því að geta bara farið að einbeita mér 100% að hönnuninni og verið full time í Front en ég er hrædd um að verkefnin séu bara ekki nógu mörg eins og er. Ég hef ekkert út á apótekið að setja, verslunarstörf eru bara ekki minn kaffibolli en það eru nú bara nokkrir mánuðir eftir og svo er það vonandi Master. Ég vildi vera að hanna meira en vinnan fær alla mína orku svo að það er lítið eftir þegar ég kem niður í Front á kvöldin. En já, þetta er tímabundið. Það er bara svo þreytandi að vinna og vinna og eiga aldrei neinn pening. Það er greinilegt að ég valdi vitlausa námsgrein hahaha.
Já, en á jákvæðu nótunum, þá er ég hress og hlakka svo til sumarsins. Þá ætla ég að taka mér gott sumarfrí og fara í ferðalag. Svo kannski verður farið í stutta Hollandsferð ef Raggi verður boðaður í viðtal í Arnheim.
Núna ætla ég að fara og horfa á nýasta Lost og kúra undir teppi og vera þunn. Njóta þess að lyggja í leti.
Vona að þið hafið það gott og munið að Keflavík er meira en slagsmál og hnakkar hehe, það er boðskapurinn með þessu bloggi.
Kveðja
Heimspekiheiður.

15 minutes.

2006-01-30T19:44:00.000Z

Ahhh það er ekkert betra en að koma heim eftir langan vinnudag, maður kann sko að meta frítímann sinn miklu betur þegar maður er að vinna allan daginn. Það var svo bjart og fallegt í dag, og hlýtt, næstum því bara eins og vor. Alveg yndislegt eftir klakann og kuldann. Nú þarf þetta bara að haldast svona fram að sumri og þá er ég sátt haha.
Ég fékk óvenjulegt símtal um daginn frá Innlit Útlit. Þau eru að koma heim á morgun og ætla að spyrja mig aðeins um kollinn. Jú ég er frekar stressuð, ekki beint vön að koma fram í sjónvarpinu, alla vega ekki síðan ég spilaði á fiðlu á RÚV svona circa ´87. Svo hef ég komið nokkrum sinnum óvart m.a. í fallinni myndavél hjá Strákunum, en það er nú engin æfing fyrir Innlit Útlit. Væri svo sem allveg til í að einhver annar myndi tala fyrir mig þar líka hahaha. En já, þetta verður nú lítið mál, er búin að kynna þennan koll svona 100 sinnum.
Ég er orðin svo ógeðlslega spennt að fara í framhaldsnám. Vildi að ég hefði meiri tíma til að nota í hönnunina, reyni að nýta kvöldin í það að sauma í búðina. Núna fara nýjar vörur að koma, við vorum m.a. að festa kaup í merkjavél og ætlum að selja nokkur skemmtileg barm-merki svo var ég að kaupa æðisleg retro efni í töskur og hulstur.
Ég er að sækja um í 4 skóla í NY, Michigan, Hollandi og Svíþjóð. Þetta tekur á taugarnar að bíða svona eftir svari. Ég man þegar ég var að bíða eftir bréfi frá LHÍ og rauk að hurðinni í hvert skipti og ég heyrði skröltið í kerrunni hjá póstinum. Fæ enþá í magann þegar ég heyri þetta sama hljóð haha. En já, það verður gaman að sjá hvert ferðinni verður heitið. Og ég vona svo innilega að við Raggi fáum inn á sömu stöðunum.
Jamm og já, ég veit alla vega að ég er sko alveg tilbúin í eitthvað nýtt og framandi og útþráin er orðin svolítið mikið sterk.
Ætla að fara og horfa á hnakkadagskránna á Sirkus.
Knús
Ragnheiður

Helv.....

2006-01-21T17:28:00.000Z

Fyrir 12 tímum síðan var ég eigandi þessa fallega síma. Raggi gaf mér hann í Jólagjöf og ég hef aldrei átt svona flottan síma áður. Var ekkert smá ánægð með hann. Í gær fór ég svo á Nasa þar sem einhver heilalaus asni fór ofan í töskuna mín og tók hann. Eina mínútu er ég í samræðum á dansgólfinu, þá næstu tek ég eftir því að taskan mín er allt í einu opin og síminn horfin.
Ég get ekki lýst því hvað ég er ógeðslega fokking brjáluð yfir þessu og ekki bætti á þegar ég hringdi í lögguna í nótt og hún sagði mér að passa dótið mitt betur. Frábær þjónusta hjá þeim í löggunni.
Í dag eyddi ég deginum í það að gera allt sem ég get gert, loka á, trakka, nýtt sim kort. Ef ég fæ ekki að nota símann þá fær það enginn.
Ég vona að sá sem gerði þetta missi hárið, fái krónískt munnangur og kynfæravörtur.

Já kæri þjófur, ég vona að þú fáir að finna fyrir því.

Öðruvísi Laugardagur

2006-01-14T10:24:00.000Z

Síðan ég byrjaði að vinna hef ég eytt helgunum mínum í eintóma leti. Legið upp í sófa og horft á vídjó, hangið í tölvunni og svo sofið til hádegis.
Þessi helgi verður ekki þannig og ég er mjög ánægð með það. Ég þarf að ganga frá skóla málum, ná í kennarana mína sem ég er að byðja um að skrifa meðmæli. Að sækja um í Master er sko ekkert gaman mál, alveg endalaus pappírsvinna og margir staðir að fara á og fá gögn. Ég tala nú ekki um ef við fáum inn og þurum að sækja um Vísa og þess háttar.
Það er búið að ganga óhemju vel með búðina, við fengum stóra pönntun í gær og lagerinn okkar kláraðist næstum því alveg. Ég er m.a. búin að selja kollinn góða. Ég er alveg ótrúlega ánægð með gang mála og við Raggi ætlum að eyða miklum tíma um helgina niðri í Front. Þar ætla ég auðvitað að taka upp nýju saumavélina. Síðan er það bara að kaupa ný efni og dóterí til að geta saumað nýja og ferska hluti. Það verður svo grein um kollinn minn í fylgiblaði morgunblaðsins, sem kemur held ég með mogganum á morgun.
Og já, ekki gleyma sýningunni, hún verður í viku í viðbót :)

Jæja, ég ætla að koma mér af stað og vera dugleg.

Eigið góða helgi elskurnar.

Ragnheiður

Náttúrurokk

2006-01-08T21:59:00.000Z

Eftir 3 mánuði að afgreiða hóstandi fólk með hor hefur mér tekist að næla mér í hálsbólgu og kvef. Ótrúlegt að það hafi ekki gerst fyrr. Já krakkar mínir, það borgar sig að taka vítamín! Nú er það bara Strepsils og snítubréf og svo bara að reyna að koma sér fram úr rúminu í fyrramálið.
Við fórum að Virkjunar-andstæðu tónleikana í höllinni í gær. Fengum miða á seinustu stundu þökk sé Myspace. Einhverja hluta vegna var Björk númer 3 í röðinni svo að hún var að syngja þegar við komum. Það var stappað í báðum hurðu svo að engin leið var að komast inn og við misstum af kellunni. Hlakkaði svo til að sjá hana á sviði því það yðri mitt fyrsta skipti. En þrátt fyrir þau leiðndin voru tónleikarnir alveg frábærir. Náðum að troða okkur fremst á góðan stað og gátum notið restarinnar. Það sem stóð upp úr var Damien Rice, vá! það var sko bara gæsahúð og kökkur í hálsinn á meðan. Einhverra hluta vegna hef ég aldrei fílað hann en þetta var alveg stórkostlegt, og þvílík rödd. Órtúlega fallegt. Svo var það Óttar Proppe, sem bara átti sviðið, ekki síst þegar HAM steig á svið og tóku svo Partýtown sem er eitt af mínum uppáhalds HAM lögum. Það var gaman að sjá Rass, Doktor Spock og Ghostdigital. Múm náði ekki að hrífa mig, er orðin eitthvað leið á heimatilbúnu hljóðfærunum og ömmuröddinni, of mikið krútt fyrir mig. SigurRós voru fínir, ótrúlega rólegt á meðan þeir spiluðu. Í heildina alveg frábærir tónleikar og fjölbreyttir.
Eins og ég tók fram áður er ég með littla sýningu í skartgripaversluninni Aurum í Bankastræti. Svo lofa ég að Friday fans fer að komast að stað aftur, enda fékk ég líka þessu glæsilegu saumvél í jólagjöf (takk mamma og pabbi!). Þessi mánuður fer reyndar í það að sækja um í skóla og svo er það bara sauma, sauma, sauma.
Ég er að sækja um í 3 skóla, einn í Eindhoven í Hollandi, einn í New York og einn í Michigan. Þetta er ekkert smá mikil vinna og við Raggi erum að drukkna í pappírsflóði. Ég hlakka til þegar þetta hefur tekið enda.
Jólin voru stutt en góð. Fengum heilan helling af góðum gjöfum. Hitti góða vini sem ég sé sjaldan og borðaði yndislegan mat. Ég er samt alltaf anægð þegar Jólin eru búin og allt verður venjulegt aftur.
Nýja árið er búið að vera gott hingað til fyrir utan það að vera byrjuð að borga skatt af laununum mínum og vera alveg á hausnum, búin að bölva þessu í sand og ösku. Í fyrsta skipti á ævinni hef ég áhuga á pólitík og hverju hún veldur í kringum mig. Maður er búinn að hafa það allt of gott á námslánum og yfirdrátt. Þetta er allt öðruvísi þegar maður er að vinna fyrir þessu sjálfur haha.
En já, ég ætla að horfa á RockStar INXS og fá mér hálsbrjóstsykur.
Munið að taka vítamín!

Sýning

2006-01-07T14:23:00.000Z

Ég er með smá sýningu í skartgripaversluninni Aurum við Bankastræti 4. Endilega kíkið ef þið eigið leið hjá og skoðið skartgripina í leiðinni, þeir eru alveg geðveikir.

Árslisti 2005 Wooohaaa!

2005-12-30T21:53:00.000Z

Hér kemur árslistinn minn....

Diskur ársins: CocoRosie - Noah´s Ark.

Lag ársins: Dirty Harry - Gorillaz.

Bók ársins: Kleifarvatn - Arnaldur Indriðason.

Bíómynd ársins: Adam´s Æbler og I heart Huckabees, komast báðar á top tíu.

Sjónvarpsþáttur ársins: Lost, The Contender, ANTM, Weeds og My name is Earl.

Matur ársins: Ragnheiðar súpa svíkur engan.

Drykkur ársins: Samuel Adams.

Ferð ársins: Köben.

Atburður ársins: Kvennafrídagurinn, útskriftin.

Maður ársins: Get ómögulega valið, segi bara Homer Simpson.

Kona ársins: Verð að vera sammála Vikunni og velja Thelmu fyrir hugrekki og styrk.

Gleðileg Jól

2005-12-26T22:45:00.000Z

Vildi bara nota tækifærið og óska öllum Gleðilegra Jóla. Hef ekki haft tíma né inneign til að senda kveðjur.
Vona að þið séuð öll búin að eiga góð Jól hingað til :)

Jólaþrif......

2005-12-04T22:42:00.000Z

Úfff, mér leið nú bara eins og fólkinu í 'Allt í drasli' í dag þegar ég byrjaði að taka til fyrir Jólin, skrúbbaði, þurkaði, þvoði, nuddaði, spreyjaði og náði bara að klára helminginn, á 4 tímum. Greyið Raggi er að læra svo mikið svo að ég ætlaði voða bjartsýn að gera þetta allt ein, en nei.. það verður þrif dagur númer tvö á morgun þegar ég kem heim úr vinnu. Mig langar bara svo að klára svo ég geti hengt upp seríur og svoleiðis.
Ég hef gengið til liðs með Front. Við erum komin með rosa flotta stofu á Hafnarstræti 15, fyrir ofan hornið, í einu elsta húsi Reykjavíkur. Það hafa fleiri bæst í hópinn og nú erum við átta, þrír vöruhönnuðir, fjórir grafískir hönnuðir og einn þrívíddar gúrú. Hlakka til að koma upp borðinu mínu og byrja að skapa.
Ég er að horfa á Rock star INXS, ég held með Jordis Unga eða Jórdísi Ungu eins og ég kýs að kalla hana, ekkert smá flott þegar hún tók Man who sold the world í síðustu viku.
Ég fór niður í bæ í gær að gera smá jólagjafakaup, á enþá eftir að kaupa smá en er nú bara ágætlega snemma í því þetta árið. Það er svona þegar maður á allt í einu pening hehe. Nú fá allir demanta og hvítagull frá mér í jólagjöf af því að ég er svo rík.
Eeennn já, ég ætla að halda áfram að horfa á þáttinn, Jordis ekki alveg að meika það í kvöld en ég held samt með henni!

Yfir og út

Ragnheiður

Kitl kitl

2005-11-27T18:19:00.001Z

Petra kitlaði mig, ég á sem sagt að nefna fimm hluti sem fara í taugarnar á mér. Ég gæti nefnt svona 500 en verð víst að láta 5 nægja í þetta skiptið.
Hér koma þeir:

1. Tollurinn. Ég veit bara ekki fáránlegri stofnun. Að frátöldum háum gjöldum er líkt og að starfsmennirnir sjálfir búi til þau lög sem gylda um toll. Spillt fyrirtæki með lélegri þjónustu og dónalegu starfsfólki. Það er sennilega ekkert sem fer meira og oftar í taugarnar á mér.

2. Strætó. Aldrei á réttum tíma, kostar mikið, illa lyktandi fólk, perrar, frekt og dónalegt fólk og stór skrítið fólk sem maður þorir ekki að bíða með í strætóskýlinu.

3. Dónaskapur. Þeir sem starfa við afgreiðslu þekkja þetta orð vel. Af hverju í ósköpunum er svona mikið af fólki sem finnst það sjálfsagt að koma illa fram við afgreiðslufólk?? Myndi það koma eins fram við fólk úti á götu?

4. Þröngsýni og fordómar. Karlrembusvín.

5. Stáltáin. (stelpan sem býr fyrir ofan mig og gengur stanslaust um í hælaskóm).

Ég kitla Sunnu, Petu og Brynju.

Hvítu rendurnar

2005-11-23T21:19:00.000Z

Já við fórum semsagt á tónleika White Stripes í höllinni á sunnudaginn. Loksins fékk ég að sjá þetta stórkostlega dúó í öllu sínu veldi, hef lengið beðið eftir að fá að sjá þau á tónleikum enda líka ein uppáhalds hljómsveitin mín. Góðir tónleikar í alla staði, það eina sem fór virkilega í taugarnar á mér voru allir smákrakkarnir í kúkabuxum eða nánast engu að dansa nýjustu dansanna séða á Mtv í Britney Spears myndbandi. Drap eiginlega niður stemmninguna, flest þeirra hafa ábyggilega ekki heyrt heilt lag með White Stripes og fóru bara af því að það voru tónleikar. Hvar er aldurstakmarkið Herra Örlygur?? Það vantaði líka bjórsölu. Færri smákrakka og meiri bjór. 'Bjór í stað Barna' er mitt slagorð.
Annars er fínt að frétta, lenntum reyndar í smá óþægindum í vinnunni í gær sem ég er búin að vera að jafna mig eftir, eitthvað sem bara gerist og ég get ekki rætt um hér. Tók bara svolítið á og ég er heppin að eiga góða vinnufélaga og góða fjölskyldu og góðan Ragga.
Ég hlakka svo til Jólanna núna. Hlakka til að fá útborgað svo ég geti farið að kaupa gjafir og jólaskraut vei vei!
Jæja, ætla að fara og horfa á fólk með Pirrý,
hafið það gott elskurnar mínar.
Blæjós
Ragnheiður

Gumby

2005-11-19T21:22:00.000Z

Mig langaði að gera eitthvað skemmtilegt eftir erfiðan dag með 4 tíma hundleiðinlegu TOEFL prófi svo að ég ákvað að gerast meðlimur í 'The official Gumby fan club'. Ég mun m.a. fá Gumby membership card og Gumby 3 inch figure, þetta bara gæti ekki verið betra hehe :D
White Stripes á morgun!! Ííííííí ég hlakka svo til!

Royale with cheese!!

2005-11-10T21:09:00.000Z

Við Raggi erum að fara í bíó og partý með Quentin Tarantino á laugardaginn!!! Ligga ligga láiiiiiii

I love my job

2005-11-07T22:12:00.000Z

Já ég er að passa mig þessa daganna að koma mér ekki allt og vel fyrir í Melhaganum, svo að ég fari nú ábyggilega aftur í skóla næsta vetur heheh. Ég hef bara aldrei verið eins ánægð með neina vinnu áður. Frábær vinnutími, bara einn laugardagur í mánuði, alveg hreint yndislegt fólk sem ég vinn með, yndislegt fólk sem kemur í búðina (99% alla vega), bestu laun sem ég hef fengið, kósí hverfis fílingur og gjafir! Já þið heyrðuð rétt, í dag ákváðu eigendur Lyf og heilsu að kíkja í heimsókn í öll útibúin með skemmtilegan glaðning handa öllum. Í mínu umslagi var að finna: 5000 kr gjafakort í Olís, 5000 kr gjafakort í Flexor, 5000 kr gjafakort í Lyf og heilsu og 5000 kr gjafakort í Bónus! Ég fékk semsagt gjöf upp á 20.000 í dag. Þær sem lengst höfðu unnið hjá fyrirtækinu voru að fá gjafakort upp að 100.000. Við vorum sko ánægðar kellurnar á Melhaganum í dag hehe. Svo fengum við líka konfekt með kaffinu. Þetta var alveg frábært.
Ég vil endilega minna á hönnunardagana sem eru þarnæstu helgi. Félagar í Front eru hugsanlega með eitthvað í pokahorninu og svo verð ég með kollinn minn á sýningunni í Laugardagshöllinni. Það verður sko rokkað stuð á hönnunardögunum, áfram hönnun! Hönnun er kúl je je!!
Jæja nú ætla ég að minnka kókdrykkjuna og slappa aðeins af áður en ég fer að sofa.
Gúddí núddí
Ragnheiður

Jæja, þá er komið að því.........

2005-10-30T00:58:00.000Z

Síðan er komin upp! www.fridayfans.com

Vona að þið hafið gaman af og takk til þeirra sem eru búnir að versla við okkur :)

Ég hef fengið koss frá Petu........

2005-10-26T22:45:00.000Z

Sjö hlutir sem ég ætla að gera áður en ég dey:
1. Fara til Japan
2. Fara til allra hinna landanna líka
3. Takast á við kvíðann
4. Verða góður hönnuður
5. Eignast mína eigin búð
6. Fá mér Tjíváva
7. Labba alsber niðrí bæ

Sjö hlutir sem ég get:
1. Prjónað
2. Saumað
3. Hannað
4. Eldað
5. Hlegið
6. Slegið (sjá Ingu blogg)
7. Þvegið

Sjö hlutir sem ég get ekki:
1. Farið í helljarstökk
2. Talað afturábak
3. Hnikklað vöðvanna
4. Borðað könguló
5. Hætt að borða súkkulaði
6. Hætt að elska Ragga
7. Sleikt á mér rassinn

Sjö hlutir sem heilla mig við hitt kynið:
1. Bros
2. Húmor
3. Hlátur
4. Persónuleiki
5. Sjarmur
6. Áhugamál
7. Fatasmekkur

Sjö frægir sem heilla:
1. Gina Garan
2. David Bowie
3. Kim Gordon
4. Homer Simpson
5. Christofer Walken
6. P J Harvey
7. Amilié

Sjö orð eða setningar sem ég segi oft:
1. Shæse
2. Kúlíó
3. Takk sömuleiðis
4. Ertu að gera grín af mér (í reiðri röddu)
5. Mig langar í nammi
6. Ooohhhhhh
7. Blythe

Sjö hlutir sem ég sé einmitt núna:
1. Sex and the city
2. Tölvan mín
3. Nýja flotta peysan mín
4. Ikea stóll
5. Sólhattur
6. Rós
7. Flugdreki

Nú ætla ég að kyssa Aldísi og Petru.

Ég var svaka glöð að heyra í dag að Lyf og Heilsa hefur gefið eina milljón til Kvennaathvarfsins út af Kvennafrídeginum. Flott hjá heim!!! :D

Jólin eru alveg að koma......

2005-10-24T22:46:00.000Z

og í tilefni þess er um að gera að fara að hugsa um hvað á að gefa mér í Jólagjöf. Hér eru nokkur dæmi fyrir þá sem eru í vanda staddir:

-Kozy Kape Blythe.
Þetta grey hefur mig langað í lengi og er hún efst á lista yfir þær Blythe dúkkur sem mig vantar. Fyrir þá sem vaða í peningum er þetta tilvalin gjöf.

-Little Heart by Milk Blythe.
Þessi er líka ofarlega, aftur fyrir þá sem hafa nýlega unnið í Lottó.

-Una, Cuna eða Huna dúkku.
Með slétt hár ekki krullað. Þessar með krullaða hárið eru frekar crazy looking.

-Gjafabréf frá Fred Flare
Ég elska allt á þessari síðu, þá meina ég ALLT.

-Fótahitara frá nýju Ikea linunni Ikea PS
Þetta er bara geggjap krúttlegt og ég bara verð að eignast þetta!!
Kíkið endilega á þessa skemmtilegu línu!

-Hella Jongerius vasar úr nýju Ikea PS línunni.
Loksins er uppáhalds hönnuðurinn minn hún Hella búin að kaupa eitthvað sem ég hef efni á. Þessir vasar eru gómsætir og mig langar mest í þennan hvíta með götunum.

Þó að ég sé komin í Jólahug er ég enþá í kvennabaráttuhug svo munið að lesa færsluna hér fyrir neðan.
Bæææææjó

Konur eru ekki á útsölu.

2005-10-24T17:22:00.000Z

Já það eru þær svo sannarlega ekki. Ef það er eitthvað sem mér líkar verr en að hanga í röð á Airwaves þá er það misrétti kvenna. Ég var búin að ákveða að láta ekkert stoppa mig í dag og labba út kl átta mín yfir tvö og mæta hress á Ingólfstorg en nei, ég varð fyrir því eina sem kvennmaður ræður ekki við: veikindi. Náði mér í eina skemmtilega ælupest í gær og er búin að vera slöpp í dag. Ég er búin að sitja fyrir framan imbann síðan kl fimm, full stolti með tár í augunum og dást af því hve ótrúlega margir mættu niður í bæ. Hver sagði að konur myndu ekki hafa kjark til að mæta mwuahahahhahaha.
Ég fór að hugsa mikið um það af hverju menn hafa þessa fordóma gagnvart konum, að við getum ekki, séum undirgefnar, ekki treystandi, ekki eins gáfaðar. Hvaðan kom þessi hugsunarháttur og hvernig stendur á því að hann er yfirgnæfandi enþá daginn í dag? Ég fór líka að hugsa um það að einu fordómarnir sem ég hef gagnvart karlmönnum eru karlrembusvínsfordómar. Það fer ekkert meira í taugarnar á mér en svona 'stráka tal' og macho stælar ojojoj.
Það sem mér fannst sárast í þessu öllu er að vinnan mín studdi ekki við okkur konurnar á þessum merka degi. Fengum póst frá skrifstöfunni að félagið studdi jafnrétti kvenna en að það væri bannað með lögum að fara af því að við erum að afgreiða lyf. Það er hægt að loka meiri hluta apóteka á Sunnudegi en ekki á Kvennfrídeginum. Ég er soldið sár yfir þessu öllu saman.
Ég hafði samt ætlað mér að fara, þrátt fyrir þessa viðvörun. En endaði svo heima með æluna upp í háls en á sama tíma full af stolti.
Ég segi bara Áfram konur!!! Látum nú í okkur heyra, hættum þessari hræðslu við að vera álitnar rauðsokkur og kvennskörungar, verum einfaldlega þær sem við viljum vera og þær sem við eigum rétt á að vera. Kvennréttindi eru ekki slæmur hlutir, ekkert verri en karlréttindi, og ég er viss um að karlar vilji ekki missa þau.
Word to my sistas, keep it real ya´ll!

Lærið um jafnréttislögin HÉR

Iceland Wait in lines??

2005-10-23T12:51:00.000Z

Raggi bjó til þetta logo hér fyrir ofan, sem er mjög viðeigandi fyrir þessa Airwaves hátíð og seinustu tvær. Eins og áður með þessa hátíð var lítið spáð í því hvort fólk myndi vilja nýta armböndin sín og fara á fleiri en einn stað á kvöldi, en nei, ef þú vildir sjá eitthvað sérstakt hefðir þú eiginlega þurft að mæta svona 2 tímum áður til að hafa tíma til að bíða í röð. Þá er ég að tala um Nasa, sem er mest ópraktíski staður sem ég hef komið inná, mér hefur alltaf fundist hann hundleiðinlegur og ömurlegur fyrir tónleikahald, en einhverra hluta vegna vilja tónleikahaldendur hér á Íslandi troða fólki þarna inn og láta svo restina hanga marga tíma í röð fyrir utan í frosti og roki. Þar sem fólk er að borga fyrir alla dagskránna, ætti það að hafa þann valkost að geta séð það sem þau vilja sjá. Shame on Airwaves þriðja árið í röð. Er ekki kominn tími til að leyfa fólki að njóta tónlistarinnar og finna stærri og betri stað fyrir stærtu númerin??
Það sem við náðum að sjá var: Hermigervill, Annie, Daníel Ágúst, JuniorSenior (restina eftir einn og hálfan tíma í röð), Au Revior Simone, Lo-fi-FNK og Arcitechture in Helsinki. Það sem stendur helst upp úr er Lo-fi-FNK, JuniorSenior og Arcitechture, en ég hef engan áhuga á því að tala meira um þessa óskipulögðu hátið þannig að þar hafiði það.
Við Raggi skelltum okkur á árshátið Lyf og Heilsu í gær. Hún var haldin á hótel Sögu og við fengum dýrindis mat að borða, humarsúpu, dádýrafillet, súkkulaðiköku, vín og líkjör. Alveg frábært, ótrúlega fyndin skemmtiatriði og frábær félgasskapur. Hefði ekki getað verið betra.
Í lokin ætla ég að monta mig aðeins. Ég hef verið valin ásamt nokkrum öðrum krökkum í LHÍ að koma í sænskri bók sem kemur út um mánaðarmót Nóv/Des. Þarna verða kynntir nemendur frá nokkrum hönnunarskólum og verður fyrsta bókin í sérstakri seríu. Ég er rosalega spennt, enda er þetta fyrsta hönnunarbókin sem ég fæ að vera með í. Raggi hefur nú þegar komið í nokkrum og nú fæ ég að bæta minni í hilluna mwuahahaha.
Jæja, ætla að taka strætó upp á Sögu og sækja bílinn.
Hafið það gott gullin mín.
Ragnheiður

Hellú.

2005-10-18T22:10:00.000Z

Eitthvað er maður lélegur í blogginu þessa dagana, enda hef ég kannski lítið annað að tala um en íbúfen og lúsakamba, en ætla ekki að gera það ykkar vegna haha.
Jú Airwaves eru á næsta leyti, er búin að tryggja mér miða í gegn um minn ástkæra kærasta sem á heiðurinn af heimsasíðunni fínu. Ég er mjög spennt að fara, en kannast lítið við það sem er í boði. Er ekki alveg inn í því sem er að gerast í dag, enda hlusta ég á lítið annað þessa dagana nema eitthvað oldschool, kannski er ég orðin svona gömul haha. En ég hlakka mikið til, enda er þetta einn uppáhalds viðbuðurinn minn á árinu.
Við Raggi erum búin að skrá okkur í TOEFL próf núna í Nóvember. Mér finnst fáránlegt að manneskja sem bjó 3 ár í Bandaríkjunum þurfi að borga 10.000 fjukkin krónur til að taka þetta %&$!! próf. Ógeðslega dýrt! Ég segi bara 'who would have thunk it!' og á auðvitað eftir að brillera á prófinu :D
Ég hlakka svo óóóógeðslega mikið til Jólanna! Ég ætla að gera allt sem er skemmtilegt og tengist Jólunum: hlusta geðveikt mikið á Jólalög (samt ekki fyrr en fyrsta des.), kaupa jólaskraut, búa til konfekt og kökur, kaupa geðveikt flottar jólagjafir handa öllum af því að ég verð svo rík (út af vinnunni auðvitað) og horfa á allar væmnar jólamyndir sem ég kemst yfir. Svo verður auðvitað yndislegt að eyða tíma með öllum þeim sem mér þykir vænst um þó ég búist við því að þurfa að vinna svolítið um Jólin, en það verður bara jólalegt.
Ok nú lofa ég að síðan okkar Ragga fer að koma, Raggi greyið er á fullu í skólanum sem verður auðvitað að ganga fyrir en hann er búinn að gera geðveikt flotta síðu sem við erum að leggja lokahönd á og látum auðvitað alla vita þegar hún er komin upp!
Að lokum vil ég þakka Ingu og Alla fyrir frábært og óvenjulegt matarboð seinustu helgi, því verður seint gleymt hahaha.

Nú ætla ég í heitt bað og hendast svo í háttinn.
Au revoir mes amis (ég ætti að fara í franskt TOEFL próf! :D)
Ragnheiður

Ragnrýnandinn snýr aftur

2005-10-09T12:23:00.000Z

Já ok, ég veit að ég er glataður gagnrýnandi, en hér kemur restin af myndunum sem við Raggi erum búin að fara á. Hátíðinni líkur í kvöld svo að við erum að spá í að ljúka þessu með óvissubíói kl 18:00.
Annars er slatti að frétta svo sem. Er búin að fá vinnu í Lyf og Heilsu Melhaga (Vesturbæjarápóteki) og ætla að vera þar næsta árið. Lýst mjög vel á það, yndislegt fólk þarna í Vesturbænum og yndislegar konur sem ég vinn með. Ég er m.a. að taka á móti lyfseðlum og skrá inn í tölvu, ganga frá lyfjum, selja lyf og snyrtivörur og ýmislegt annað skemmtilegt. Þetta er mjög krefjandi starf þar sem maður þarf að vera með augun opin allan tímann, en þetta gengur bara allt mjög vel.
En já aftur að bíómyndunum, hér koma þær (tala lauslega um þær sem voru ekkert spes):

-Nikifor minn (Pólsk):
Þessi mynd var eiginlega bara leiðinleg. Ef hún hefði ekki verið byggð á sannri sögu hefði hún eiginlega misst allan tilgang. Roslega hæg og eiginlega bara leiðinleg. Einkun: 4/10

-The League of Gentlemen (Bresk):
Tja, þessu gaurum hefur verið líkt við Monty Python, en kæmust ekki með skugga tánna þar sem Python hafa hælanna. Einum of mikið bull en ég hló á köflum. Einkun: 5/10

-Born into Brothels (Bandarísk):
Þessi heimildamynd fjallar um börn vændiskvenna í borginni Kalkútta í Indlandi. Zana Briski, sem gerði myndina, bjó hjá þessu fólki í einhvern tíma til að kynnast aðstæðum þeirra og fór síðan að kenna hóp af þessum börnum ljósmyndun. Alveg svakaleg mynd sem allir ættu að sjá. Það er svo erfitt að ýminda sér að þetta sé að gerast á sömu plánetu og við búum á. Þessi mynd vann Óskarsverðlaun fyrir bestu heimildamyndindina í ár og átti það svo sannarlega skilið. Einkun: 8/10

-Darwin´s Nightmare (Austurríki/Belgía/Frakkland:
Við sáum þessa mynd sama dag og Born into Brothels, strax á eftir. Þetta er önnur heimildamynd og fjallar um fátækt við Viktoríuvatnið í Tansaníu. Hvernig 'stóru karlarnir' eru að græða á útlfutningi á fiksi úr vatninu á meðan íbúarnir deyja úr sulti og sjúkdómum. Rosalega sorgleg mynd um hræðilegar aðstæður. Á meðan íbúar við vatnið þurfa á lifa á rotnuðum fiskileyfum eru hundruð tonna af fiski flutt út til Evrópu.
Mjög fín en átakanleg mynd. Einkun: 8/10

-Heimurinn (Kína/Japan/Frakkland):
Úffff, án efa leiðinlegasta myndin sem ég sá á hátíðinni. Ógeðslega tilgangslaus og tilgerðarleg bíómynd með engum söguþráð. Undirstaðan var ágæt og þessi mynd hefði getað verið svo miklu, miklu betri. Löng og leiðinleg. Einknun: 2/10

-37 and a half (Norsk):
Æðisleg norsk gamanmynd í anda Bridget Jones, en miklu skemmtilegri og fyndnari. Hef aldrei farið í bíó áður þar sem það var hlegið svona mikið. Æðisleg mynd sem ég bara verð að sjá aftur. Einkun: 8,5/10

-That kind of man (norsk stuttmynd):
Þessi stuttmynd var sýnd á undan næstu mynd sem ég ætla að skrifa um. Eina sem ég get sagt er OJ BARA, annan eins viðbjóð hef ég sjaldan séð. Ég fékk sko algjörlega fyrir hjartað og verð með netta myrkfælni eftir þessu svakalega grafísku stuttmynd. Oj, oj, oj. Ekki fyrir viðkvæma. Einkun: 7/10 en mínus tveir fyrir ógeð.

-Next door (Norsk):
Já þessi var ógeð líka en meira svona sálfræðileg en þessi stuttmynd þarna. Roslega góð með skemmtilegu twisti. Frábær leikur og bara mjög flott mynd. Einkun: 8/10

-Strings (dönsk):
Þið hafið eflaust heyrt um þessa mynd, þetta er strengjabrúðu myndin sem er búin að vekja svo mikla athygli. Hún var alveg frábær og stóð fyrir sínu og ekki skemmdi að einn af þeim sem vann við gerð myndarinnar mætti á sýninguna og svaraði spurningum í lokin. Mjög gaman og stórkostleg mynd. Einkun: 8/10

Þar hafðiði það

Æ já ég gleymdi Night of the living dead, sem er bara snilld haha.

Epli og ást

2005-09-30T00:22:00.000Z

Jæja þá er fyrsta kvöld Kvikmyndahátíðinnar lokið. Oooo það var svo gaman. Sáum tvær mjög góðar en ólíkar myndir og hér með byrjar bíó-gagnrýni Ragnheiðar sem ég kýs að kalla 'Ragnrýni':

Adams Æbler (Dönsk 2005) Anders Thomas Jensen:

Þessi mynd var opnunarmynd sýningarinnar og alveg frábær opnunarmynd verð ég að segja. Sáum hana í Regnboganum í fullum sal. Þeir sem fíluðu 'Festen' munu elska þessa, svakalega svartur húmor sem er stundum of mikill á köflum, get ímyndað mér að sumum fyndist hann ganga of langt. Skemmtilegir karakterar sem maður veit ekki hvort maður eigi að elska eða hata og endalaus vandamál sem maður veit ekki hvort maður eigi að hlægja að eða vera leiður yfir. Æðisleg mynd, kom skælbrosandi út úr salnum.
Einkun: (8,5/10)

Gegen die Wand (Þýsk/Tyrknensk 2004) Fatih Akin:

Hmmmmm, þessi mynd var mjög fín. Átakanleg og sorgleg en falleg og rómantísk líka. Skemmtileg innsýn í aðra menningarheima og flott samspil á því tyrknenska og því þýska. Mér fannst rosalega góður leikur í þessari mynd hjá báðum aðalpersónunum. Hún var heldur löng en góð engu að síður.
Einkun: (7/10)

Meira á morgun.

Ragnrýnandinn.

Kvikmyndahátíð

2005-09-29T10:56:00.000Z

Í dag byrjar hin Alþjóðlega Kvikmyndahátíð í Reykjavík. Ég fékk lán hjá elsku mömmu og pabba sem gera allt fyrir mig, til að bjóða Ragga með mér á hana í tilefni 2 ára afmælinu okkar. Vá það eru svo margar spennandi myndir í boði. Ég keypti passa handa okkur sem virkar inn á allar 50 myndir sem eru sýndar. Ég veit ekki hvernig við eigum eftir að komast yfir þetta allt því af þessum 50 myndum, eru 30 sem okkar langar mikið að sjá. 30 myndir á 1 og 1/2 viku haha. En já við höfum gert skipulagða stundaskrá sem ætti að koma okkur á flestar þeirra. Við ætlum bókstaflega að búa í bíó. Ég er svo spennt, þetta verður svo gaman. Alla vega, þá ætla ég að dæma allar þær myndir sem ég ætla að sjá. Hér er listinn minn:

- Adams Æbler (Epli Adams) Danmörk
- Tarnation (Bölvun) USA.
- Dare mo shiranai (Nobody knows) Japan.
- Shijie (Heimurinn) Kína/Japan/Frakkland.
- Clean (Hrein) Frakkland/Bretland/Kanada.
- ScaredSacred (HræddurHelgur) Kanada.
- Darwin´s Nightmare (Martröð Darwins) Austuríki/Belgía/Frakkland.
- Mój Nikifor (Nikifor minn) Pólland.
- Ce qu'il reste de nous (Okkar arfur) Kanada.
- Strings (Strengir) Danmörk.
- Hauru no ugoku shiro (Töfrakastali Howls) Japan.
- Moartea somnului Lazarescu (Dauði herra Lazarescu) Rúmenía.
- Kosmos kak predchuvstvie (Geimdraumar) Rússland.
- Zralok v hlave (Hákarl í höfðinu) Tékkland.
- A Porcelánbaba (Pstulínsbrúðan) Ungverjaland.
- Spiele Leben (Teningunum er kastað) Austurríki.
- Mashgh-e-Shab (Heimavinna) Íran.
- Ta'm e guilass (Keimur af kirsuberjum) Íran.
- Yek Shab (Ein nótt) Íran.
- Gegen die wand (Beint á vegginn) Þýskaland/Tyrkland.
- Born into Brothels (Fædd í vændi) USA.
- Moolaadé (Moolaadé) Senegal.
- Lakposhtha ham parvaz mikonand (Skjaldbökur geta líka flogið) Írak/Íran/Frakkland.
- Lost Children (Týndu börnin) Þýskaland.
- 37 og et halv (37 og hálfs) Noregur.
- Naboer (Nágrannar) Noregur.
- Vinterkyss (Vetrarkoss) Noregur.
- Pelikaanimies (Pelíkanamaðurinn) Finnland.

Svo eru það eftir miðnætti sýningar í Tjarnabíó á Föstudögum:

- The Texas Chainsaw Massacre.
- Night of the living dead.
- Eraserhead.
- Midnight movies: from the margin to the mainstream.

Ok þetta er 32 hehe
Bíó here í come....

Gestur úr fortíðinni....

2005-09-27T13:54:00.000Z

Hún er komin!!

Úffff

2005-09-25T21:20:00.000Z

Í gær smakkaði ég 18 mismunandi tegundir af bjór. Ég hefði getað smakkað 28 en lét nægja 18. Jú það var haldin bjórsmökkun hér á bæ, eitthvað sem við Peta vorum búnar að vera að spá í að gera. Við fórum í Heiðrúnu og keyptum 28 flöskur af alls konar bjór og svo sátum við, Óli og Peta og Jóhanna vinkona og smökkuðum bjór. Þeir voru mismunandi góðir og sumir alveg ógeð. Raggi ætlar að skrifa smá greinagerð um bjórinn á bloggið sitt ef þið eruð forvitin um úrslitin.
Nú fer ég að fá út úr vinnuviðtölunum, er orðin hundleið á því að hanga heima og langar að fara að gera eitthvað og fá pening til að borga allar skuldir og annað skemmtilegt. Það væri frábært að geta borgað allt áður en ég held áfram með námið. Ég er eiginlega ákveðin að fara og taka masterinn í vöruhönnuninni næsta vetur, ég ætla mér að vera búin að vinna úr öllum mínum málum þá. Ég er rosalega spennt fyrir einum skóla í Michigan sem heitir Cranbrook. Ætla að sækja um þar og á öðrum stöðum, kannski í Eindhoven líka. Það væri auðvitað frábært ef við Raggi gætum fengið inn í sama skólann.
Talandi um okkur Ragga, þá eigum við 2 ára afmæli eftir einmitt einn og hálfan tíma vei vei. Við ætlum að út að borða á morgun á Austur Indía og halda upp á þetta allt saman.
Jæja ætla að fara og hangsa meira.
Ta ta.
Ragnheiður.

Munið að kíkja á Marsípan

Klukk!

2005-09-21T16:53:00.000Z

Ég alveg stein gleymdi því að ég hef verið klukkuð, jáhá, þið eflaust spyrjið ykkur hvað er það.....ég hef verið klukkuð af henni Sunnu Dís vinkonu minni (takk Sunna) og á nú að skrifa fimm ómerkilega hluti um mig hehe. Ég reyni yfirleitt að forðast allt sem heitir 'keðju' eitthvað en ætla að taka þátt í þessu af því að það ert þú Sunna mín hehe ;)
Hér koma hlutirnir fimm:

1. Ég hata nælonskokkabuxur, ég ríf þær um leið. Geng alltaf í þykkum bómullar.
2. Uppáhalds súkkulaðið mitt er kaffisúkkulaði frá Lindu, nammmmmmmm.
3. Ég reyni að gera Yoga og slökun á hverjum degi.
4. Mér finnst gaman að lesa um undarlega hluti og staði en verð alltaf ógeðslega myrkfælin.
5. Ég er sucker fyrir rappi, mínir uppáhalds rapparar eru Jay Z og DMX.

Nú á ég að klukka fimm manns, þeir heppnu eru:

Petra, Peta, Aldís, Magga mágkona og Kamilla.

Nostalgía.

2005-09-21T16:04:00.000Z

Ég get svo svarið það, nostalgíu fílingurinn seinustu daga hjá mér er alveg fáránlegur. Ég held það sé breytingin á árstíðum, fer alltaf á þessum tíma að hugsa um skólann í gamla daga. Var að uppgötva brauð með lifrakæfu aftur, en það var eitt af því sem mér fannst gott að fá í nesti, líka normalbrauð með smjöri og osti. Svo drakk maður ískaldan svala eða kókómjólk með, sem maður fékk í stað svalamiða sem voru grænir, appelsínugulir, gulir eða hvítir. Miðinn á endanum var aðeins breiðari en hinir. Mig langar í Count Chocula kornflex og vakna snemma á laugardögum og horfa á teiknimyndir. Ég sakna þess að búa til Barbie hús í hillunni í fataskápnum inni í herbergi, gera snjóhús úti í garði og koma svo inn og fá mér brauð með osti sem ég dýfi ofan í heitt kakó. Af hverju virðist allt vera betra á öðrum tímum? Af hverju er svona rosalega erfitt að lifa í núinu?
Ég er búin að vera að hugsa svo mikið um fortíðina og framtíðina seinustu vikur, ég veit að þetta allt hljómar voða væmið en þessi mánuður er búinn að vera rosalega erfiður og tilfinningaþrunginn. Svolítið sem ég mun tala um þegar ég er tilbúin til. Segjum bara að breytingar hafi orðið á plönum, breytingar sem leiddu bæði neikvætt og jákvætt af sér.
En já, þetta er allt spurning um hugarfar og það er alltaf svo gott að leyta aftur í gamlar minningar, þær halda á manni hlýju. Sérstaklega á köldum haustdögum.
Ég er jákvæð á þennan vetur, hlakka til að sitja inni í hlýjunni á kvöldin og hekla eða sauma, ætla að reyna að eyða meiri tíma í fjölskyldu og vini en fyrst og fremst ætla ég að vera ánægð með stundina sem líður.
Hafið það gott gullin mín.

Annað blogg

2005-09-13T13:42:00.000Z

Ég var að starta öðru bloggi. Þetta verður íslenskt blogg um vöruhönnun. (Gamla bloggið verður þó enþá í gangi. Hér er slóðin á það nýja:
marsipan

Munið að bookmarka!

Ragnheiður

Turning Japanese.

2005-08-30T22:22:00.000Z

Jæja, nú eru aðeins nokkrir dagar í skólann. Ég er búin að reyna að halda stressinu í skefjum, slaka vel á og reyna að undirbúa mig andlega fyrir þetta allt saman. Það var mjög erfitt seinast þegar ég byrjaði í nýjum skóla, munaði litlu að ég hefði hætt, en ég hef komið langan veg á seinustu þremur árum og vona að þetta verði ekki eins strembið og þá. En já, númer eitt, tvö og þrjú er að vera jákvæð. Og það er ég sko sannarlega búin að vera, ég er rosalega spennt að fá að læra meira um Japan og ekki síður spennt að fá að spóka mig í japönsku jibbíííí.
Ég er búin að vera svaka dugleg í dag. Tók eldhúsið í gegn, alla skápa og hillur, hennti og þurkaði af. Gerði þetta með hjálp Bóví vinar míns, hann söng fyrir mig á meðan. Bóví með ó-i en ekki á-i. Pabbi var fljótur að leiðrétta mig í hvert sinn sem ég sagði Báví hér forðum, enda er pabbi nú mesti Bowie fan ever og veit hvað kallinn heitir.
Ég fór líka í gamla skólann minn á fyrirlestur hjá hönnuðinum David Trubridge frá Nýja Sjálandi. Hann seldi allar eigur sínar og keypti skútu, fór í fimm ára heimsreisu með fjölskyldunni sinni. Það langar mig að gera hehe. Hér er síðan hans:
http://www.davidtrubridge.com/
Eftir fyrirlesturinn fékk ég líka þetta skemmtilega símtal frá Kanada. Petra hress og kát, það var gaman að heyra í þér Petra mín veivei, bréfið er í vinnslu ;)
Raggi er á fundi, ég er ein í kotinu að horfa á kvöldþáttin. Var að bæta nýjum veruleikaþætti í safnið, nefnilega Tommy Hilfiger þættinum, þar sem 'hönnuðir' fá að spreita sig og reyna að fá vinnu hjá honum, ágætur þáttur sá.
Eins og þið sjáið er líf mitt æsispennandi þessa dagana. Þetta eru svona bið dagar, bíð eftir skólanum, bíð eftir svari úr keppninni, bíð eftir nýja 'barninu' henni Kimiko. Já svona eru seinustu dagar sumarsins. Held ég sé bara soldið spennt fyrir vetrinum, alltaf kósí að sitja inni á kvöldin með kerti og heitt kakó, og fara í heitt bað.
Já svo má ekki gleyma ljósanótt á laugardaginn og þá ekki síst Gjörningaklúbbnum í Suðsuðvestur og sýning Gunnhildar og Brynhildar. Það verður sko dansað og djammað. Svo á miðnætti má ekki gleyma að koma og kyssa Raggie (thats me :D) til hamingju með afmælið, loksins orðin tvítug og kemst í Ríkið ;)
Jæja, þessi skrif eru alveg út og suður. Ætla að hætta núna áður en illa fer mwuahahhahahhaaaaaja.
Hafið það gott elskurnar mínar.
Kiss kiss
Hey svo muna líka að horfa á Good Bye Lenin á föstudagskvöldið á Sirkus. Æðislega mynd, algjört augnakonfekt!

Sly and the gang

2005-08-27T17:49:00.000Z

Ég er veruleikaþátta maniac. Ég tel sjálfa mig hafa fágaðan smekk hvað varðar kvikmyndir og ritmál en þegar það kemur að veruleikaþáttum, þá horfi ég á allt! Og þá meina ég allt. Meira að segja Amish þáttin sem var á Popp tíví þar sem venjulegt fólk og Amish fólk var látið búa saman í húsi, beið spennt eftir því að sjá hver færi í kirkju á sunnudögum og hver myndi vaska upp næst. Já! ég er gluggaperri og elska að fá að fylgjast með fólki og hnýsast inn í líf þeirra, því neita ég ekki.
Í kvöld er lokaþáttur 'The Contender' sem er nú bara einn sá besti veruleikaþáttur sem hefur verið gerður. Sly Stalone í fararbroddi, Sugar Ray alltaf kátur og fullt af boxurum frá 'the Hood' sem þrá ekkert meira en að fá að ganga í Armani jakkafötum og snýta sér með peningum. Ég veit reyndar hver vinnur, komst óvart að því á mjög klaufalegan hátt í morgun, en það er samt í lagi, því að það sem mér finnst skemmtilegast er að fylgjast með bardaganum sjálfum. The Contender hefur vakið upp frumbyggjan í mér, gefið mér ástæðu til að blóta, öskra, berja í hluti og gráta á sama tíma. Vakið upp tilfinningar sem ég vissi ekki að voru til og veitt mér ótakmarkaða ánægju. Contender! I salute you.

Barn númer 6!

2005-08-26T14:41:00.000Z

Ég stóðst ekki mátið og panntaði í gær draumadúkkuna mína, 'All Gold in one' alla leið frá Japan. Þetta er fjórða Blythe dúkkan sem var framleidd af Takara og kom út í Desember 2001. Hún er rosalega sjaldgæf, það er löngu hætt að framleiða hana og mótið sem notað var til að gera andlitið er ekki það sama og í dag og er ekki lengur til. Hún er líka með annan líkama en SBL (superior Blythe, sem er framleidd í dag), þessi er með Licca líkama sem er með beigjanlega handleggi og fætur. Hún er með matt andlit en ekki há-glans eins og á nýju og 'boggled' augu sem eru meira opin en á nýju. Andlistmótið á BL dúkkunum er öðruvísi að því leyti að andlitsfallið er barnalegra (kinnarnar stærri og hakan rúnnaðari). Ég gæti talað endalaust um hana, hún er algjört æði.
Ég fékk alveg snilldar díl á hana, hún er enþá í kassanum og hefur aldrei verið tekin úr honum. Það er verið að selja eina svona alveg eins á Ebay (sem búið er að taka úr kassanum) og hún er komin upp í rúmlega 600 dollara. Ég var mjög heppin af því að mín kostaði miklu, miklu minna en það ;)
Ég get ekki beðið eftir að fá hana. Ég setti mynd af eins dúkku hér fyrir ofan (þetta er ekki mín).

Fundur með sendiherra.

2005-08-24T18:45:00.000Z

Í dag fékk ég að hitta sendiherra Japan á Íslandi, Herra Masao Kawai. Hann er órtúlega hress og fyndinn kall sem gaman var að fá að tala við. Ég fékk líka að hitta tilvonandi kennara minn í Japönskunni í vetur, hún var líka alveg rosalega næs. Ástæðan fyrir þessum fundi er sú að ég tók þátt í ritgerðarsamkeppni japanska sendiráðsins og komst í gegn um fyrstu síu og var boðuð á þennan fund. Ég held barasta að þetta sé merkilegasti fundur sem ég hef farið á haha og mjög áhugaverður. Í vinning er tveggja vikna ferð til Japan í boði sendiráðsins. Alveg órtúleg lífsreynsla þar sem maður fær m.a. að búa hjá Japanskri fjöldskyldu í nokkra daga. Ég fæ svo að vita eftir 1-2 vikur hvort ég fái að fara. Þrír eru valdir úr þeim sem fengu að fara í viðtal og fara út.
Núna verð ég að bíða og óska þess að ég komist því að það er fátt sem mig langar meira en að fara til Japan. Annars er bara að byrja að safna hehe.

Lighter side of Blythe

2005-08-22T22:27:00.000Z

Ætla að byrja á að bæta mynd inná til að íta Hitler niður. Líst ekkert á hann.

Anna (Blythe) vinkona mín frá Kanada var að starta nýjum Blythe spjall/skilaboða þræði og hún gerði mig að 'Moderator' sem er svona umsjónamaður síðunnar. Ég bauðst til að láta vini mína vita, og safna þannig fleira fólki á þráðinn. Þeir sem hafa áhuga á að skrá sig og spjalla um Blythe (ég veit að það er heill hellingur af ykkur þarna úti hehe) mega láta mig vita og ég fæ Önnu til að skrá þá á spjallþráðinn. Þið þurfið ekki að eiga Blythe, bara hafa áhuga á henni.
Þetta er addressan (ég kann ekki svona linka dæmi) http://lsofblythe.jconserv.net/index.php

Þetta er 'invite only' þannig að ef þið viljið skrá ykkur skulið þið tala við mig fyrst (ekki skrá ykkur á síðunni sjálfri).

What the %$&#(/*?!!!

2005-08-19T21:28:00.000Z

Ok, ég tók svona próf 'what famous leader are you' og dísis sjáið hvað ég fékk. Hitler! Hvað er málið. Kamilla fékk Ghandi og ég fæ Hitler! Whaaaaaa
Do you see the resemblence?

What Famous Leader Are You?
personality tests by similarminds.com

Jahh, nú er ég sko hlessa.

Fyrir öskudaginn.... eða bara djammið.

2005-08-19T16:14:00.000Z

Ég elska fyndið japanskt dót. Engum nema Japönum myndi detta í huga að búa til svona hahahhahahaha, algjör snilld:

http://www.rakuten.co.jp
Allt á Japönsku samt ;)

Carlsberg bjór og Haribo nammi.

2005-08-18T17:32:00.000Z

Þá er ég komin heim frá Kóngsing Köben þar sem við Raggi eyddum 9 yndislegum dögum. Hefði ekki getað verið betra. Við drukkum mikinn Carlsberg og borðuðum mikið Haribo nammi, keyptum mikið af dóti og gerðum mikið túristastuff. Á níu dögum fórum við í Tívolí, Bakken, Dýragarðinn, Vaxmyndasafnið, Design center, Tvisvar sinnum í Canal Tour, Carlsberg Brugery, Amilien borg, Fisketorvet, löbbuðum Strikið hundrað sinnum og göturnar þar í kring, heimsóttum Kamillu í Fredriksbreg og á Studiestræde (Stuðstræti), Hittum Hrönn, Jón, Kristrúnu, Frank og kynntumst Gunna og Nínu, fórum með þeim öllum að djamma og sungum í Karókí, borðuðum ítalskan, japanskan, tyrknenskan og víetnamskan mat og hjálpuðum manni lyggja á naglabretti og henda logandi keilum í loftið (Raggi hjálpaði honum, ég horfði á og klappaði). Þetta var alveg yndislega vel heppnuð ferð sem hefði ekki getað verið betri. Ég mun setja inn mjög svo fyndnar myndir bráðlega, úr ferðinni.
Annað í fréttum, hún Petra snúlludúlli elsku vinkona mín var að flytja til Kanada í dag. Ég fæ sennilega ekki að sjá hana fyrr en í vor. Þín er sárt saknað nú þegar Petra! I love you man! Ég hafði ekki einu sinni tíma til að klára flugvélabréfið sem ég var byrjuð á, það var með Bítla dálki og allt. Ég skal senda þér það í pósti. Vertu svo dugleg að blogga.
Ég verð að enda á því að segja ykkur hvað Sonic Youth voru geðveikislega ótrúleg á þriðjudaginn. Eftir níu ára byð eftir að fá að sjá þau á tónleikum fékk ég loksins að fara. Við Sunna ákváðum að skella okkur og sáum sko ekki eftir því. Aðra eins snilld hef ég ekki séð og heyrt lengi. Einir skemmtilegustu tónleikar sem ég hef farið á. Það eina sem ég hef út á þá að setja er að ég hefði mikið viljað heyra Diamond Sea og Sugar Kane. En ég get ekki kvartað. Þau voru alveg últra svöl og svo er Kim Gordon auðvitað bara svalasta rokk gella í heimi, ég ætla að vera alveg eins og hún þegar ég verð stór! Hrein snilld.
Nú fer skólinn að byrja, ég verð nú bara að segja að ég er meira spennt en stressuð. Ég hlakka alveg ótrúlega til. Vona svo innilega að þetta verði gott val hjá mér. Ég er auðvitað andlega Japönsk svo að þetta getur ekki brugðist.
Until next time.....
Bæjós

Yndislegt ferðalag.

2005-07-26T10:52:00.000Z

Við fórum í yndislegt ferðalag í seinustu viku. Löggðum af stað í nýja bílnum sem mamma og pabbbi voru að kaupa, rosalega góður og fínn. Við ákváðum á leiðinni að stoppa á Stokkseyri og kíkja á Draugasetrið, sem var nú bara þrælfínt. Keyrðum svo alla leið austur í Vík þar sem Amma, Smári, Sævar Helgi og Gunnhildur voru stödd og okkur var boðið í mat. Það var mikil þoka í Vík eins og vanalega og heldur drungalegt. Eftir matinn ákváðum við að halda áfram. Við ætluðum á Kirkjubæjarklaustur en tjaldstæðið þar var gjörsamlega stappað. Hundar og börn allstaðar. Við héldum áfram og enduðum svo á uppáhalds staðnum mínum, Skaftafelli. Við vorum komin um 11 leytið og það var svo heitt enþá að maður gat verið á stuttermabol. Við vorum þarna í tvær nætur og annað eins sólskyn og blíðu hef ég ekki upplifað í langan tíma. Ótrúlegt veður. Á föstudaginn lögðum við svo af stað heim. Við ætluðum í Þakgil að hitta vinahóp Ragga, en fórum heim. Vorum orðin svolítið þreytt á tjaldverunni og áttum að mæta í brúðkaupsveislu daginn eftir. Á leiðinni heim stoppuðum við á Kirkjubæjarklaustri og löbbuðum að Systrastapa og svo gerðum við annað stopp á Skógum og löbbuðum alla leið upp fjallið þangað til við vorum komin fyrir ofan fossinn. Aljgört æði.
Eins og ég nefndi áðan fórum við í brúðkaupsveislu á Laugardaginn in í Garði. Vinafólk okkar Óli og Peta giftu sig í maí og héldu veislu heima hjá foreldrum hennar. Ég borðaði sko yfir mig, ótrúlega fín veisla og frábær matur. Við fengum m.a. að rúnta upp að Garðskagavita í 63 ára gömlum Cadillac. Til hamingju aftur Peta og Óli og takk kærlega fyrir okkur.
Á sunnudag var svo grill heima hjá Afa og Ömmu. Smári og krakkarnir voru þar líka, svo er Sigrún að koma í næstu viku og kærasta Smára frá Þýskalandi svo að það verður fullt hús á Suðurgötunni. Ælti afi verði ekki að tjalda út á verkstæði eins og hann gerði ein Jólin hahaha.
Í dag á svo Raggi afmæli! 25 ára, eða 1/4 hundrað ára eins og ég kalla það. Til hamingju með ammmilllið vei vei!!! Áfram Raggi!!!
Næstu helgi er það svo Innipúkinn :D og svo helgina eftir það förum við til Köben. Vívíví!!
En alla vega, þá ætla ég að uploada myndum úr Skaftafellsferðinni í myndaalmbúmið mitt ef þið viljið skoða.
Megið þið eiga yndislegan dag í sólskininu!

The real dawg.

2005-07-18T12:53:00.000Z

Jámm, við skelltum okkur á Snoop tónleikana í gær í Egilshöll. Tókum strætó alla leið með fullt af háværum unglingum, ég var orðin hrædd um að við yrðum elsta fólkið á tónleikunum. Þegar við komum á staðinn var það ljóst að við værum með þeim elstu og þyrftum því að standa aftarlega hjá foreldrunum með börnin sín á hestbaki og tónleikagagnrínendum. Þeir stærstu voru aftast og svo minnkaði fólkið sem var nær sviðinu. Samt sá ég ekki neitt því að ég hætti að vaxa þegar ég var 16. Eeeeeen alla vega haha þá voru þetta fínir tónleikar. Upphitunarhljómsveitirnar voru fínar, byrjaði á Forgotten Lores, ágætis hljómsveit með alvöru tónlistarmönnum og góðum plötusnúði, ég verð reyndar heldur leið á köflum á þessu svona 'öskur-rappi' íslendinga. Annars var þetta fínt. Hjálmar komu næst og stóðu sig eins og hetjur að vanda. Þeir voru með brassið úr Jagúar, alveg frábær samsetning. Þeir eru alltaf góðir á tónleikum og soundið hjá þeim alveg ace. Seinastir voru Hæðsta höndinn eða eitthvað soleiðis, restinn úr Rotweiller held ég. Fm plötusnúður og óskiljanlegt öskur, alveg hundleiðinlegt band með leðinlega og ófrumlega texta með því eina takmarki að reyna að 'dissa' nógu mikið.
Eftir það var komið að Snoop. Showið byrjaði með circa 10 mínútna langri stuttmynd sem var ansi klámfenginn, ég held að margir foreldrar sem hafi verið staddir í salnum hafi hugsað sig tvisvar um. En maður mátti nú búast við því líku.
Hann tók öll gömlu góðu lögin, Lodi Dodi, Gin and Juice, Bow wow wow o.fl. ásamt góðum nýjum lögum eins og Drop it like it´s hot og Beautiful (með Pharell Williams) sem er eitt af uppáhalds Neptune lögunum mínum. Lagavalið var frábært en soundið ekki nógu gott, allt of hátt stillt í trommunum, maður heyrði varla laglínuna á köflum.
Þetta voru annars fínir tónleikar. Rappara ímyndin leyndi sér ekki, Snoop mætti á sviðið í einhverskonar samfestingi, ekki ólíkum svona amerískum fangelsis samfestingi nema að hann hefur líkalega verið saumaður af ömmu hanns úr gömlu gardínuefni hehe, mjög spes. Fjórir, ansi breiðir lífverðir voru á sviðinu allan tíman, fínt band, plötusnúður, einhverjir fleiri rapparar, Snoop-dansararnir og svo vinir og vandamenn, þar má nenfa eldri mann sem tjúttaði eins og James Brown fram og til baka á sviðinu. Ansi svalur sá.
Já þetta var í heildina mjög gott og skemmtilega örðuvísi, ég fór reyndar á Gravediggaz tónleikana hér forðum en þessir voru miklu meira Blingin en þeir.
Þó að ég sé ekki sammála öllu sem Snoop gerir og segir þá finnst mér hann góður tónlistmaður og skemmtilegur karakter. Ég set hér eina mynd í lokin af Snoop, sennilega tekin um jólin haha

Ayumi Uyama

2005-07-15T14:53:00.000Z

Ég veit ekki alveg hvað á að kalla þessa japönsku konu, hún er eiginlega meira út í hönnun heldur en list. M.a. hefur hún tekið franskar dúkkur sem kallast 'pose doll' og endurhannað þær. Hún hefur skrifað nokkrar bækur um dúkkur og leikföng og hefur líka gefið út bækur með sniðum af ótrúlega sætum dýrum sem hún hefur hannað og saumað.
Ég fann voða lítið af persónulegum upplýsingum um hana og það littla sem ég fann var á japönsku. Það sem hún býr til er ótrúlega fallegt og hvert smá atriði skiptir máli. Ég læt myndirnar tala sjálfar:

Hér er svo heimasíðan hennar ayumiuyama

Á milli svenfs og vöku??

2005-07-14T12:41:00.000Z

Ég fer daglega á síðu sem heitir www.boingboing.net Þetta er ótrúlega skemmtileg síða um allt á milli himins og jarðar, en vanalega er fjallað um óvenjulega og undarlega hluti. Ég rakst á grein þar um daginn um svolítið sem kallast 'sleep paralysis'. Þetta gerist þegar fólk sefur, í greininni er því líst þannið að þeir sem upplifa þetta finnist eins og einhver komi að þeim á meðan þeir sofa og reyni að kæfa þá eða klifra ofan á bringuna á fólkin, já soldið spúkí. Ég fór að skoða þetta betur og endaði svo á síðu hjá Háskóla sem er að gera rannsókn á þessu. Ég ákvað að kíkja á könnun sem var á síðunni því að frá því að ég var svona 9 ára hef ég fengið það sem ég kalla 'milli svefns og vöku drauma'. Þetta eru mjög undarlegir daumar, ég er alltaf stödd í því umhverfi sem ég er í, í raun og veru. Finnst ég alltaf vera vöknum aftur og aftur en fatta svo að ég er enþá sofandi. Þegar ég fatta að ég get ekki vaknað, reyni ég að vekja sjálfa mig með því að reyna að setjast upp (ógeðslega erfitt, get varla hreyft mig) en svo fatta ég einu sinni enn að ég lygg kyrr og get ekki sest upp. Einu sinni vaknaði ég við það að ég var að velta mér fram úr rúminu til að vekja sjálfa mig haha. Mér finnst þetta rosalega athyglisvert og hef alltaf verið forvitin að vita af hverju þetta gerist. Ég ákvað að taka þessa könnun og komst nokkurn vegin að því að þetta er afbrigði af þessu 'sleep paralysis' en það sem er örðuvísi er að ég verð aldrei vör við neitt neikvætt í þessum draumum nema kannski pirringinn við það að geta ekki vaknað. Þetta er í raun svolítið skemmtileg upplifun hjá mér. Ég er svo forvitin að vita hvort þið hafði lennt í þessu sama því að þetta er víst mjög algengt. Ég bíð spennt að fá email til baka frá þeim, en það er hægt að skrá sig á lista til að fá frekari upplýsingar, en aðeins ef maður tekur þessa könnun.
Alla vega, hér er linkur á greinina:
Grein
Og hér er linkur á síðuna með prófinu:
Könnun
Endilega kíkjið á þetta, þetta er mjög áhugavert.
Annað sem mig langaði að nenfa, þar sem lítið er að gerast í lífi mínu þessa dagana, langar mig að nota tækifærið og blogga inn á milli um skemmtilega hönnun, listir og aðra menningu, það verður sennilega mikið á Japönsku nótunum hehe.
Njótið ykkar í góða veðrinu í dag.

Nú er að duga eða drepast......

2005-07-10T12:11:00.000Z

Úff jæja, hér kemur þetta. Svolítið sem ég hef hugsað um að gera lengi, lengi en aldrei haft kjarkinn til að gera. Ég er alls ekki viss um að þetta sé rétta leiðin, en ég á rosalega erfitt með að tala um þetta við fólk af fyrra bragði þannig að það er kannski bara betra að það sjái þetta hérna. Það er annað hvort allt eða ekkert hehe.
Þannig er mál með vexti að ég á við vandamál að stríða. Ég hef ekki viljað tala um þetta af því að ég einfaldlega hef skammast mín fyrir þetta og er ógeðslega hrædd um að fólk fari að vorkenna mér og dæma mig eða koma fram við mig á annan hátt. Ef svo verður, verð ég einfaldlega að bíta í það súra epli því að ég tel það að tala um þetta, vera skref í rétta átt.
Þetta er alveg geðveikislega erfitt fyrir mig, en þetta er eitthvað sem ég einfaldlega verð að gera. Flestir sem þekkja mig hafa eflaust tekið eftir því að ég er feimin og frekar óörugg stundum, ok þetta er aðeins flóknara en það. Ég er með svolítið sem kallast félagsfælni. Það hafa eflaust einhverjir heyrt af þessu (m.a. í Fólk með Sirrý *hóst*). Það er kannski best að þið bara lesið um þetta hérna, þeir sem hafa áhuga: http://www.doktor.is/Article.aspx?greinid=3794 (lýsir þessu mjög vel)
þetta er mjög algeng fælni og er talið að einn af hverjum fjórum hafi þetta á einhverju stigi. Hún er auðvitað mjög mismunandi hjá hverjum og einum, það er mjög erfitt að lýsa þessu hjá mér nema að þetta hefur mikil áhrif á það hvernig ég lifi lífi mínu af því að þetta er heftandi og stjórnar mér að miklu leyti. Út frá þessu þjáist ég af t.d. ofsakvíða og væntikvíða, fæ m.a. kvíðaköst við erfiðustu aðstæðurnar. Þar sem ég reyni að forðast kvíðann eins og heitan eldin verður það oft til þess að ég sleppi að gera ýmsa hluti þar sem ég þarf að vera í kringum mikið af fólki sem ég þekki lítið eða ekkert.
Það er svo rosalega erfitt að útskýra þetta. Ég komst að því fyrir rúmlega 3 árum að ég hefði þetta, fór og fékk hjálp við þessu, en hætti eftir nokkra mánuði aðalega út af kostnaði. Það er hægt að vinna á þessu. Besta meðferðin er hugræn atferlismeðferð í bland með lyfja meðferð. Ég bara er svo ógeðslega þrjósk og stoltið að drepa mig svo að ég hef eiginlega reynt að gleyma þessu bara, en svo kemur að því að ég þarf að gera eitthvað sáraeinfallt og þá yfirtekur þetta allt. Þannig að mér finnst vera kominn tími á að ég fari að gera eitthvað í þessu. Líka af því að ég er að byrja í nýju námi næsta vetur og er alveg að fríka yfir því. Mig langar alls ekki að þetta komi í veg fyrir að ég geri það sem mig langar að gera.
Það er svo skrítið, því að ef ég væri með köngulóafælni eða flugfælni væri ekkert mál fyrir mig að tala um þetta, en félagsfælni hljómar bara eitthvað svo miklu alvarlegra. Þetta er einfaldlega bara fælni eins og allar aðrar, bara blossar upp við miklu fleiri aðstæður. Málið er líka að ekkert hefur verið gert í þessu áður af því að þessu hefur alltaf verið tekið sem feimni, en nei, þetta er ekki einföld feimni skal ég segja ykkur.
Þetta hefur bara nýlega komið upp á yfirborðið og ég vissi t.d. ekki í 20 ár að ég væri með þetta, en hefur oft liðið alveg hræðilega illa út af þessu og ekkert vitað hvað væri að mér. Fólk hefur t.d. haldið að ég væri löt af því að ég hef ekki viljað gera einföldustu hluti af því að ég var skít hrædd við að gera þá.
Vá ég gæti talað um þetta í allan dag. Já ég er ógeðslega spæld yfir því að vera svona og finnst það óréttlátt, ég er alltaf neikvæð út af þessu, minn rétti persónuleiki fær ekki að njóta sín, ég set upp grímu, er með brenglaða sjálfsímynd, reyni að forðast aðstæður sem ættu ekki að skipta neinu máli. Þetta er hundleiðinlegur hlutur sem ég óska ekki neinum.
En.....enginn er fullkominn, allir hafa sína kosti og galla, þannig að ég ætla hér með að ganga alla leið og koma út úr skápnum með mína galla og vona svo bara að afleiðingaranar verði jákvæðar. Með þessu er viss sigur unninn hjá mér.
Ef þið hafið einhverjar spurningar þá bara hafið samband við mig hér eða hvar sem þið viljið, þetta er kannski ekkert svo stórt skref þar sem ekki margir lesa bloggið mitt hehe, en alla vega fyrsta skrefið fyrir mig.
Með þungu fargi létt....
Ragnheiður
P.S. svona á léttari nótum þá er hérna listi yfir frægt fólk með félgsfælni og/eða kvíða sjúkdóma (draumur minn að verða rokkstjarna gæti enn orðið að veruleika, yesss!)
Donny Osmond, Barbara Streisand, Kim Basinger, Hemmi Gunn (thats right), Jonathan og Jordan Knight frá New Kids On the Block (my idols),Charles Darwin og Edward Munch. Það var einu sinni sér Oprah þáttur um félagsfælni sem gaf algjörlega brenglaða mynd af þessu öllu, svo ekki horfa á hann.

There´s a new doll in town.

2005-07-03T00:14:00.000Z

Já fimmta dúkkan í safnið er komin. Hún heitir Freyja og er ógeðslega kreisí mikið krútt, it´s crazy y´all.
Tók nokkrar myndir áðan:

Hérna er hún með Pétri Partý-íkorna sem er að leyta að húsnæði, umsóknin hans mun birtast fljótlega ásamt öðrum á www.fridayfans.com :)

Hér er önnur mynd. Ég elska fötin sem fylgdu með henni. M.a. bláir Converse skór sem sjást kannski soldið illa á myndinni.

Ég er ein heima. Raggi kítki í partý til Kristrúnar, en hún er víst að flytja til Danaveldis. Ég er bara að tjilla í kribbinu, var ekki alveg að nenna út. Það er brjálað partý við hliðina, m.a. búið að taka nokkur „skemmtileg“ lög í singstar og skjóta ílum fram af svölunum. Svo er „stáltáin“ í essinu sínu uppi. Hún er sko í einhvers konar pinnahælum... all the time og við köllum hana stáltánna. Ég er með Snoop í botni, hann virðist covera hávaðann í partýinu en ekki klikkið uppi hahaha. Annað hvort er hún í svona gler-öskubuskuskóm eða Hollenskum tréklossum þessi manneskja. Ég myndi alla vega ekki nenna að vera í svona skóm inni allan daginn. Undarlegt.
En talandi um Snoop, þá erum við sennilega að fara að sjá kauða. Hlakka ekkert smá til. Foooooo shizzle!
Svo var ég að kaupa miða á Sonic Youth, Sunna ætlar að kíkja með mér, en við erum auðvitað sannir SY aðdáendur og hlustuðum mikið á þau þegar hún kom að heimsækja mig í Ameríkuna. Yep, yep.
Ég er búin að vera að horfa á Live Aid í allan dag. Algjör snilld, ég bætti inn nafninu mínu á undirskriftarlistann á www.live8live.com og legg til að aðrir geri slíkt hið sama. Það gaf manni hlýju í hjartað að sjá hvað það var mikið af fólki þarna, nú er bara að vona að yfirvöld geri eitthvað í málinu, víst að svona margir hafa sýnt stuðning og ýtt á þetta.
Búðin hjá mér og Ragga er komin af stað eins og þið sáuð hér fyrir ofan. Læt alla vita þegar hún er komin upp.
En já, núna ætla ég að fara að horfa á vídjó og borða margar, margar hnetur. Hver veit nema að ég gluggi inn hjá Stáltánni og bjóði henni inniskónna mína ;)

Catch ya on da flipside!

Bollywood

2005-06-23T10:12:00.000Z

Ég fann svolítið fyndna síðu í gær með gömlum Bollywood plötu umslögum. Ég auðvitað varð að skoða hvert og eitt mjög vel svo ég myndi ekki missa af neinu fyndnu hehe. Svo fór ég að ímynda mér um hvað myndirnar væru um því að þessi umslög eru gjörsamlega út í hött. They don´t make them like this anymore.
Hér kemur smá túlkun á nokkrum umslögum:

Í þessari mynd er konan í rauðu fötunum aðal söguhetjan. Pabbi hennar lætur hana giftast kallinum í brúna jakkanum en henni finnst hann geðveikt nörd. Hann dregur hana um á asnaeyrunum og lemur hana með priki (sem sjá má á myndinni). Konan er ástfanginn að manninun með glasið, hann er giftur en samt ástfanginn að henni líka. Hann byrjar að drekka geðveikt mikið kók af því að hann er svo sorgmæddur og vakir á 3 mánuði samfleytt. Verður ógeðslega sjúskaður og hættir að raka sig. það endar með að vondi gaurinn (í brúna jakkanum, dettur „óvart" fram af húsþaki en þá er um seinann því að elskuhuginn hefur misst minnið af kók drykkju og man ekkert eftir konunni.

þessi mynd fjallar um manninn með túrbaninn. Hann heitir Didar Sandhu. Hann gerir veðmál við vini sína en tapar því og þarf í staðinn að giftast risa að nafni Snehlata. Hún er þrír metrar á hæð og með hrikalegann fatasmekk. þau verða ástfangin á endanum og flytja til New York þar sem Didar Sandhu fær vinnu sem leigubílsstjóri og risar eru ekki fordæmdir.

þessi mynd fjallar um gæpakvendi sem giftist mönnum og drepur þá. Hún tælir manninn í bláa jakkanum af því að hann á glæ ný Gucci sólgleraugu og kirkir hann svo með göngustaf þegar hann er ekki að horfa. Eftir morðið kemst hún að þeirri hræðilegu staðreind að maðurinn er með hárkollu.

Ætla ekki einu sinni að reyna.

Nú þarf ég bara að fara og horfa á allar þessar myndir til að sjá hvort ég hafi rétt fyrir mér hehe.

Konnichiwa! Watashi wa gakusei desu!

2005-06-21T01:02:00.000Z

Þessi dagur er búinn að vera upp og niður sko. Byrjaði á ekki mjög skemmtilegu atviki sem varðar fjármál og annað því líkt. Fer ábyggilega á hausinn bráðlega, en hey ég get alltaf búið á Hlemmi og fengið lánaðann pening hjá Lalla Johns, af því að hann lifir eins og kóngur.
Í þessu eymdar peninga veseni fór ég inn á heimabankann minn eins og ég geri stundum (ef ég nauðsynlega þarf) og sá þar reikning frá Háskólanum, þannig að ég hef komist inn í Japönskuna. Er ekkert smá spennt, vona að þetta sé samt ekki einhver villa hjá þeim af því að það átti ekki að láta fólk vita fyrr en eftir 30. júní. Eftir það hringdi Sigga deildarstjóri frá LHÍ og gaf þær fréttir að ég fengi að vera með í sænskri bók um skandinavíska hönnun og hún vildi endilega fá myndir og upplýsingar um lokaverkefnið mitt. Ég varð auðvitað rosa ánægð með þessar fréttir og fór yfir "neutral stigið" í gleði.
Þessi helgi var sko full af kræsingum og öðru góðgæti. Fórum á föstudaginn í mat til Óla og Petu. Það var alveg geggjað, Ólöf litla stelpan þeirra var búin að kaupa Tomma og Jenna kex handa Ragga og Simpsons kex handa mér. Við fengum alveg rosa góðan mat hjá þeim að borða í góða 17. júní veðrinu.
Á laugardaginn fór ég í mat til Halldóru og fékk loksins að sjá litlu snúlluna. Þar voru líka Aldís og Hjördís. Við hlógum mikið og átum geðveikt mikið nammi. Alltaf gaman að hitta dömurnar og mætti alveg vera oftar :)
Á sunnudaginn komu mamma og pabbi í heimsókn með fulla poka af mat og nýtt grill handa okkur. Við elduðum svo öll saman. Takk mamma og pabbi! Vei vei. Þetta grill verður sko nýtt vel í sumar.
Jæja, ég er orðin ógeðslega þreytt og ætla að reyna að vakna snemma á morgun og redda peninga málum. vei....
Until next time......sugoi!

La familia.

2005-06-16T17:59:00.000Z

Eins og margir sem þekkja mig vita þá er ég "crazy doll lady". Það hafa bæst við tveir nýjir meðlimir í hópinn, það er reyndar svolítið síðan en ég hef ekki haft neinn tíma til að sinna greyjunum. Hér er fjölskyldumynd. Frá vinstri: Margo, Lotta, Juniper og Karólína.

I want to ride my bicycle

2005-06-12T23:56:00.000Z

Nú er ég farin í átak, sem henntar líka vel af því að ég hef fengið hjólið hennar Sigríðar systur lánað. Ég var greinilega búin að gleyma hvað það er ógeðslega gaman að hjóla af því að ég fæ ekki nóg. Þetta er svona fílingur eins og þegar maður var lítill úti að hjóla á sumrin. Ég er svona eins og Forest Gump hjólanna, ég mun aldrei stoppa hehe.
Ég er búin að vera hálf lufsuleg í dag, við fórum á Old School kvöld á Gauknum í gær og skemmtum okkur ágætlega. Við vöknuðum kl að ganga fjögur og hjóluðum út á vídjóleigu og náðum í "The Holy Grail" og "Everything you wanted to know about sex but were afraid to ask". Monty Python er alltaf snilld en Allen myndin var ekki alveg eins góð og ég man eftir hehehe.
Við erum búin að bóka okkur far til Köben 6. ágúst. Ég og Raggi og sennilega Aldís og frænka hennar. Ég hlakka ekkert smá til og er komin með soldið sterka löngun að fara eitthvað út og breyta um umhverfi. Ætla sko í Tívolí og Bakken og dýragarðinn og allt sem mögulega er hægt að gera haha. Raggi á eftir að verða brjálaður á mér mwuahahahaha, nei bara djók.
En alla vega, þá ætla ég að fara að horfa á sjónvarpið.
Au revoir.

Kallið mig bara Batchelor Ragnheiður

2005-05-31T11:49:00.000Z

Jæja, þá hef ég loksins lokið „piparsveinsgráðunni“ minni (Batchelor) og nú vil ég vera kölluð Batchelor Ragnheiður, nei nei bara grín. Ég vil frekar bíða og láta kalla mig Master Ragnheiður, líkar miklu betur við það. En hey, nú hætti ég að bulla! haha
Nú er þessum kafla lokið. Útskriftin var á laugardaginn og ég hefði bara ekki getað ímyndað mér betri dag. Reyndar var útskriftin sjálf ekkert eitthvað rosa spennó fyrir utan brjálaðan bumbuslátt slagverkshópsins Parabóla og mjög einlæga og fína ræðu Stefáns (go Stefán). Það sem stóð upp úr hjá mér að fjölskyldurnar tvær fengu nú loksins að hittast og við fórum öll saman út að borða á Caruso. Frábært kvöld með yndislegu fólki. Það besta var hvað allir náður vel saman og skemmtu sér vel :)
Nú fer maður að hugsa hvað er framundan. Við Raggi höfum alla vega ákveðið að eiga yndislegt sumar, erum að safna í ferðasjóð og stefnum á að kíkja út í sumar og draga nokkra góða vini með. Ég er að vinna að smá verkefni sem er leyndó núna ;) og svo erum við Raggi að fara að setja upp búðina góðu. Ég ætla að reyna að sauma nokkra hluti í dag. Erum líka að reyna að finna nafn.
Þetta fer allt að koma.
En jæja, ég verð víst að fara að gera eitthvað.
Hafið það gott dúllurnar mínar.

Shine yer shoes governah?

2005-05-25T12:27:00.000Z

Ok, ég verð bara að röfla smá um þessa yndislegu skó sem Campana bræðurnir kláru frá Suður Ameríku voru að hanna. Þetta er endurgerð á "the jelly shoe" sem eflaust margir muna eftir, ég átti slíkt par, ljósblátt með glimmeri á (fínt á ströndina). En ég bara elska þessa nýju útgáfu og get ómögulega valið á milli hvort mér finnst flottari með hæl eða án. Það væri ekki slæmt að eiga bara eitt par af hverjum og geta svo skipt um eftir þörfum. Versta er að ekki er hægt enþá að kaupa þá á netinu en ég mun bíða spennt. (Til í fjórum örðum litum) mér finnst rauðu flottastir!

Hér er síðan: melissausa

Hef fengið líf mitt aftur.

2005-05-12T10:09:00.000Z

Jæja nú er brjálæðið svona nokkurn vegin búið og ég hef endurheimt vanaganginn í lífi mínu. Opnunin var alveg frábær, bjóst alls ekki við svona miklu fólki og allir voru rosalega ánægðir. Þeir sem eiga eftir að kíkja verða að fara að gera það. Ef þeir vilja leiðsögn þá er velkomið að hringja í mig og ég hleyp niður í safn. Það kostar ekkert inn.
Á sunnudaginn var svo yfirferðin mín og mér hefur bara sjaldan gengið eins vel í yfirferð svo að þetta var bara besti endir á skólaárinu sem ég hefði getað hugsað mér.
Núna tekur við sumarið góða, hef stór plön fyrir þetta sumar hehe. Er m.a. búin að fá nýja dúkku og taka hana alla í sundur. Er búin að pússa andlitið matt, taka allar augnskífurnar úr og pannta nýja liti, setja nýjan kinnalit og svo mun ég setja ný augnahár og ætla að krulla hárið og klippa. Gæti dundað mér í þessu endalaust. Við Raggi höfuð ákveðið að setja upp búð á netinu þar sem við verðum með smá samstarf. Höfum hugsað okkur að selja m.a. bangsa (sömu gerð og í lokaverkefninum mínu), boli, barmerki, handtöskurnar mínar (úr gömlum plastpokum) og e.t.v. Ikea kollinn sem ég breytti. Þetta er sem sagt allt í vinnslu núna.
Annars er lítið að frétta, er búin að vera í vinnuviðtölum á nokkrum ólíkum stöðum, er bjartsýn á það allt saman. Langar að vinna við eitthvað sem mér finnst skemmtilegt til tilbreytingar hehe.
En jæja, ætla að fara og vekja Ragga.
Munið að kíkja á sýninguna!

-Ég vil endilega minna á nýju síðuna sem Raggi var að starta um íslenska hönnun:
formislandia

Madness!!

2005-05-04T22:00:00.000Z

Já það er sko búið að vera nóg að gera og maður er að tapa glórunni. Ég er búin að vera það utan við mig að mér tókst að týna bæði debet og kredit kortinu mínu í sömu vikunni. En, nú fer þetta að taka enda.

Sýningin opnar kl 14:00 á laugardaginn 7. maí á Kjarvalsstöðum.
Allir að mæta!!!

Næstum búin!

2005-04-29T17:35:00.000Z

Ég elska súkkulaði!

2005-04-11T23:22:00.000Z

Þar sem ég er jú að læra vöruhönnun finnst mér tími til kominn að ég ræði eitthvað um það sem er að gerast í mínu fagi. Mér finnst margt mjög óspennandi sem hefur verið í gangi undanfarið en eitt sem ég er mjög hrifin að er hönnun á súkkulaði. Ég hannaði sjálf súkkulaði í fyrrahaust (sjá myndasíðu) og hef síðan haft mikin áhuga á því svo finnst mér auðvitað súkkulaði alveg yndislegt á bragðið namm.
Ég rakst á skemmtilega síðu í dag um japanskan „súkkulaði kaffihús“. Því miður er síðan á japönsku svo að ég skil ekki mikið, en þetta er alveg órtúlega flottur staður sem selur m.a. súkkulaði (duh), heitt kakó, súkkulaði ís og annað súkkulaði kyns. T.d. er hægt að kaupa 365 day chocolate sem eru litlir molar merktir hverjum dag ársins. Einn moli á dag.

Heimasíðan þeirra er choco-cafe

Annað sem ég rakst á nýlega er súkkulaði hannað af einum uppáhalds hönnuðinum mínum, hinni hollensku Hellu Jongerius. Þetta eru 7 molar, 4 dökkir og 3 ljósir á postulíns bakka. Molarnir eru skreyttir hollenskum hlutum m.a. hönnuðum af Droog design. Með fylgir svo lítill spaði sem er notaður til að taka upp súkkulaðið og gefa gestunum.

Hér getið þið séð mynd af súkkulaðinu hennar Hellu og síðan henn er svo hér:

Jongeriuslab

Good times

2005-04-09T13:10:00.000Z

Ég var að setja inn myndir frá gærkvöldinu. Here´s a preview:

Mig vantar hjálp.

2005-04-06T12:08:00.000Z

Ég er hér með búin að breyta lokaverkefninu mínu. Ég ætla að hafa þetta þannig ferli að fólk skrifar mér langt og ítarlegt bréf um sjálft sig og síðan bý ég til bangsa alveg eftir þeirra persónu. Þetta verða samt svona comfort-bangsar sem eiga að koma í veg fyrir eða bæta eitthvað sem er ókostur hvers og eins. T.d. koma í veg fyrir stress, einmannaleika, kaldar tær svo eitthvað sé nefnt.
Mig vantar nauðsynlega fólk sem er tilbúið að skrifa mér svona bréf. Þarf að vera mjög athyglisvert fólk með sterkan persónuleika og helst eitthvað vandamál sem þarf að leysa. Ég tek líka fram að þessi mannsekja þarf að vera tilbúin að skrifa mjög persónulegt bréf um sjálft sig sem verður síðan birt (NAFNLAUST) á lokasýningunni ásamt bangsanum. Plís ef þið hafði einhverjar tillögur þá endilega póstið kommenti eða sendið mér e-mail á rosp@umemi.com
Takk elskurnar ***

I need a muse!!

2005-03-31T17:46:00.000Z

Ég auglýsi hér með eftir einhverjum sem getur haft jákvæð áhrif á sköpunargáfur mínar. Ugh ég er að fá grænar af lokaverkefninu mínu og ég er ekki einu sinni almennilega byrjuð. Ég er bara alveg rugluð í hausnum. Held að það sé bland af litlu sjálfstrausti og stressi, en nú er aðeins mánuður til stefnu. Lokasýningin verður haldin á Kjarvalstöðum og opnar 7 maí. Allir velkomnir!
Annars er lítið í fréttum, er aðalega að blogga af því að ég nenni ekki að læra. Mig langar að gera allt annað hehe. Það er kominn svo mikill sumar fílingur í mann, mig langar mest bara að fara í útileigu og borða góðan mat. Talandi um góðan mat þá keyptum við Raggi Hagkaupsbókina frá Grænum Kosti. Nammi namm, bjuggum til Indverskan kjúklingabaunarétt í gær, hann var rosa góður. Ég held að ég hafi verið Indverji í fyrra lífi af því að ég elska Indverskan mat og Karrí er krydd himnaríkis nammmmmmmm.
Eitt að lokum, Halldóra vinkona eignaðist litla stelpu rétt fyrir miðnætti í fyrradag! Hlakka mikið til að fá að hitta krílið. Vei vei :)
Ætla að fara og kreysta seinustu hugmyndadropana úr heilanum.
Bæbæ

Ég er að springa!!!

2005-03-22T20:56:00.000Z

Úfff við Raggi bjuggum til snilldar kjúlingasalat áðan! Það var svo gott... og hollt! Ég er búin að vera veik seinustu vikuna, margir, margir kvillar búnir að hrjá mig sem ég ætla nú ekkert að kafa dýpra í hér en ég hef ekki mátt borða sykur og hveiti og svoleiðis óhollustu svo að á þessu heimili er aðeins búin að vera hollur matur sem er bara frábært!
Ég fékk nýju dúkkuna mína í seinustu viku, lennti illa í því í tollinum af því að sendingin var merkt sem gjöf. Þurfti að fara inn í eitthvað lítið herbergi þar sem pakkinn minn lá á borði og einhver tollgaur yfirheyrði mig! Ég er ekki að grínast með þetta haha. Hann fór að spyrja mig hvernig ég þekkti konuna sem sendi pakkann! Hahahaha, þetta var eins og í verstu glæponamynd. Það endaði með að ég lét eftir og þurfi að borga 2500 krónur af pakka merktum sem gjöf að verðmæti rúmar 4000 kr. Svo að ég borgaði ca. 50% toll. Þetta er svo mikið rugl. Ég sendi þeim kvörtunarbréf og fékk eitthvað bull til baka að ég gæti sent einhverjum tollstjóra póst. Hagnaður Póstsins í fyrra var 356 milljónir, næstum því milljón á dag! Hvað er þessi peningur að fara í spyr ég. Þarf ég kannski að vera fangi á Litla Hrauni eða þingmaður til að fá að njóta þessara peninga? haha.
En ég fékk þó alla vega dúkkuna mína, hún er alveg frábær, er í flauels-smekkbuxum og rúllukragabol. Ég skýrði hana Juniper af því að hún er svona hippa týpa. Ég bjó til myndasögu! Ég ætla að vera barn að eilífu og það getur enginn breytt því mwuahahahhahahah!

Check it ya´ll

2005-03-15T17:36:00.000Z

Jæja, eins mikið og ég dýrka David Hasselhoff (hóst) þá er ég að verða klikkuð á þessari blikkandi mynd sem skíst upp á skjaborðið um leið og ég tengist netinu. Þess vegna verð ég að pósta lööööngu pósti núna til að losna við manninn.
Nýjast í fréttum, er með hálsbólgu. Er búin að vera með ullartrefil í tvo daga og Raggi kallar mig „Lávarðinn“ sérstaklega þegar ég komin í náttsloppinn og set trefilinn svona ofan í kragann, ansi smart!
Nýasti meðlimur the Doll Crew kom til landsins í gær en tollur dauðans hefur hana í varðhaldi og hver veit hvað gengur á þar. Hún kemur ábyggilega til mín með innbyggðri njósnaramyndavél og hljóðnema. Ugh ég hata þennan toll (no offence Sunna mín) en ég verð bara gráhærð á að þurfa að bíða alltaf svona og borga himin háar upphæðir fyrir minnstu hluti.
Annars er ég bara hress. Er svona nokkurn vegin búin að ákveða hvað ég ætla að gera í lokaverkefninu. Þar sem ég er búin að vera að skoða söfnun og þar aðalega söfnun á dúkkum
hef ég verið að spá mikið í því persónulega gildi sem þessir hlutir veita fólki. T.d. veit ég um marga sem halda enþá upp á leikföng síðan að þau voru lítil. Ég persónulega held upp á svona hluti af því að ég er hrædd um að týna minningunni frekar en að mér finnist þeir sérstaklega fallegir.
Alla vega það sem ég var að spá var að safna að mér gömlum bangsum og öðrum mjúkum fígúrum, taka alveg í sundur og nota síðan partana í eitthvað annað. Eins og kannski töskur, veski, húfur og vetlinga, trefla, skartgripi, hárskraut, fóðrun á húsgögnum eða örðum hlutum eins og skrínum og dagbókum hef ekki ákveðið enþá. Þannig að í stuttu máli verður fígúran að einhverju nytsamlegu en heldur enþá tengingunni í minninguna.
Ég er roslega spennt fyrir þessu og er ánægð að ég fann eitthvað sem ég get tengt í ritgerðina.
Svo er það fermingarafmæli á næsta leyti, það verður spennandi að sjá hver er kominn með skalla og svoleiðis. Bíð spennt.
Ég tók nokkrar myndir á gömlu Canon vélina hans pabba um daginn, hér eru þær:

Bæbæ

Something for the ladies

2005-03-13T15:32:00.000Z

Hahahahhahahahaha!!!!

Brenndar tennur!

2005-03-11T18:35:00.000Z

Vá hvað þetta er búinn að vera góður dagur!! Föstudagar eru án efa til lukku. Ég byrjaði daginn á því að fara niður í Laugarnes (myndlistadeildina) að stækka myndir. Ég er búin að vera að læra ljósmyndun og að framkalla og stækka, það er geðveikt gaman. Svo fór ég með pabba í Ikea og keypti hillu handa dúkkunum. Þær voru orðnar heimilislausar greyin og sváfu í pappakössum. Ég komst líka að því að það er loksins búið að senda Groovy Groove dúkkuna sem ég panntaði fyrir mánuði síðan!! Mér var nær að versla við einhvern ruglara á ebay til að fá gott prís. En hún er á leiðinni með EMS svo að hún kemur í næstu viku.
Ég fékk líka pakka í dag! Ég er þátttakandi í svona "candy swapping" við Blythe félaga mína á netinu og net/Blythe-vinkona mín hún Megan í Nýju Mexico sendi mér fullan kassa af alskyns góðgæti. Ef ég verð ekki 300 kíló og tannlaus þegar ég hef lokið mér af. Hún sendi mér allt uppáhalds nammið mitt síðan ég var í Cambridge og líka Mexicóskt nammi sem er ógeð hahaha t.d. sítrónu/chilly duft ojojoj.
Ég ætla síðan að ljúka deginum með style. Er fyrst að fara í Vamm partý á Pravda og síðan á tónleika með Hot Chip!! einni af mínum uppáhalds hljómsveitum en þeir eru einmitt að spila á Nasa í kvöld. Get ekki beðið!!!!
Nú hef ég klárað skammtinn minn af upphrópunarmerkjum og ætla að enda með tveimur myndum af hillunni minni og namminu mínu:

Plombólu brjálæði

2005-03-01T13:16:00.000Z

Eins og sumir vita, þá þjáist ég af söfnunar áráttu. Síðan ég var lítil hef ég safnað alls kyns dóti m.a. strokleðrum, blíöntum, servíettum, lyklakippum, merkjum, tyggjói, póstkortum og plombólu köllum. Hvað eru plombólu kallar?? Jú þeir eru litlar gúmmi fígúrur eins og t.d. strumparnir sem eru settir á páskaeggin. Fyrsta svona kallinn minn fékk ég á Tombólu þegar ég var nokkra ára gömul, ég gat ekki sagt Tombóla svo að ég sagði Plombóla í staðinn. Þaðan fékk ég nafnið plombólu kallar. Á sunnudaginn fór ég í heimsókn í Keflavíkina, kíkti m.a. á sýningu nokkra Listaháskólanema í Suðsuðvestur (hitti ekki á þig Thelma, til hamingju með þetta allt saman, alveg frábært!) fór líka á Lúðrasveitamaraþon þar sem systir mín sýndi listir sínar á slagverki. Svo rótaði ég í geymslunni hjá mömmu og pabba og fann plombólu kallana mína! Vei, þess vegna er ég búin að tala svona mikið um þá. Tók myndir af safninu og hér eru þær:

Túdilú

Vetrar gleði.

2005-02-19T18:52:00.000Z

Sæl öll og blessuð.
Núna fara þessi ritgerðaskrif að taka enda. Skil næsta föstudag :) Ég er orðin spennt að fara að fá að föndra í lokaverkefnið í stað þess að sitja fyrir framan tölvuna alla daga.
Það er mikið búið að ganga á í skólanum undanfarið. Nemendur eru orðnir reiðir út af skipulagsleysi og lélegri/engri kennslu. Þó að margt hafi batnað hjá okkkur í þrívíðri hönnun síðan í fyrra er enþá margt sem má laga í sambandi við skólann. Svo eru það skólagjöldin sem hækka um 30 kall á hverju ári. Við vorum að borga ca 165.000 kall í skólagjöld í ár. Mér þætti þetta í góðu lagi ef að maður vissi í hvað þessi peningur er að fara. Mér finnst ég hafa lært helling á þessum 3 árum en er samt forvitin að fá að vita hvort þessi menntun sé sambærileg og í skólunum úti. Það á að funda með kennurum og stjórnendum á mánudag og reyna að fá botn í málið.
Á léttari nótunum þá er búið að ganga rosalega vel með kollinn minn. Það birtist smá grein um hann í rússnensku blaði um daginn, haha jámm alveg satt. Það var blaðakona frá Úkraínu sem rakst á mynd af honum á netinu. Svo var grein um sýninguna í heild sinni í nýjasta Icon blaðinu, sem er breskt hönnunarblað. Á miðvikudaginn kom svo grein um mig í Fréttablaðinu, það var blaðakona þaðan sem rakst á bloggið mitt haha, alveg óvart held ég. Svo seinast en ekki sýst á að birtast grein um kollinn í bandaríska tímaritinu ReadyMade, sem er eitt uppáhalds tímaritið mitt, hér er slóðin ReadyMade
Ég er alveg í sjöunda himni yfir þessu öllu. Datt aldrei í hug að þetta Ikea verkefni myndi vekja svona mikla lukku.
Núna er Vetrarhátið í gangi. Við Raggi kíktum niður í bæ í gær. Byrjuðum á Listasafni Einars Jónssonar, en þangað hef ég aldrei komið. Þetta hús hans er alveg órtúlegt, fannst eiginlega skemmtilegra að skoða húsið en verkin. Síðan var ferðinni haldið í Nýlstasafnið og Safnið (heitir bara Safnið) og í Hafnarhúsið á ljósmyndasýningu Brian Griffin. Ég mæli eindregið með þessari sýningu, ótrúlega skemmtileg.
Við enduðum svo kvöldið á tónleikum með indversku/bresku popp hljómsveitinni DCS á NASA. Þeir voru algjör snilld, það var líka frábær stemmning, fólk á öllum aldri að dansa á fullu. Ég var næstum því búin að taka nokkur Bollywood spor haha.
Jæja, ætla að kveðja að sinni.
Hafið það gott
Ragnheiður

Hljólmar???

2005-02-12T21:36:00.000Z

Fór á snilldar tónleika í gær. Ætlaði nú bara að tjilla heima og horfa á sjónvarpið en fékk svo nokkur símtöl um að koma á Hjálma tónleika á Nasa. Ég sá sko ekki eftir því! Þetta var svaka session, Hjálmar ásamt brassinu úr Jagúar og Gísla Galdri. Snilld! Þeir ættu að sameinast allir í eitt.
Annars er lítið að frétta. Er svona eiginlega búin með ritgerðina. Endanleg skil 22 feb. Núna byrjar lokaverkefnið á fullu, er í augnablikinu að rannsaka dúkkugerð frá upphafi og öll efni sem hafa verið notuð í þær. Þriðja dúkkan mín er á leiðinni, Groovy Groove, hún er í 70´s fötum með 70's hárgreiðslu. Pósta myndir af henni þegar hún kemur.
Ó já svo var ég að kaupa mér nýjan bíl:

Hahahah smá djók, en þessi bíll er snilld! Fat car eftir Erwin Wurm frá Austurríki.
Svo á pabbi ammilli á mánudag, valentínusardag. Megi hann eiga gleðilegt afmæli vei vei!! áfram pabbi!!

Ég vil komast út!!!!

2005-02-01T01:29:00.000Z

Ég hef nú setið inni í mánuð (ekki í fangelsi en næstum því) og skrifað BA ritgerð og er hægt of rólega að verða geðveik. Líf mitt snýst nú verið um dúkkuna Blythe (viðfangsefni ritgerðarinnar), ég skrifa um hana, tek myndir af henni, spjalla við aðra Blythe aðdáendur á netinu, dressa hana up og þegar ég tek mér frí frá ritgerðinni þá vinn ég í Blythe heimsíðunni minni. Ég lifi og anda Blythe en fæ samt ekki nóg af henni. Hér er nýja Blythe síðan mín www.umemi.com/blythe
og hér er mynd af nýju elskunni minni henni Margo. Guð ég er orðin crazy doll lady!!

Aaahhhhh hvernig er annað hægt en að heillast af þessum snúllum, þær eru æði!!
Alla vega, ég mun endanlega skila ritgerðinni minni 22 feb og önnur skil eru núna á miðvikudaginn. Þar sem ég er næstum því búin mun ég gera ráð fyrir að ég muni taka þátt í daglegu lífi (á ný að minnsta kosti í einhvern tíma á meðan farið er yfir eftir önnu skil) og gæti verið að ég láti sjá mig á götum úti á ný. Endilega verið í bandi þeir sem eru ekki búnir að gefa upp von um að ég sé en á lífi :D You know who you are.
Ég ætla að fara og leggja tölvusýrða hausinn á koddann.

Bæjó
Macheiður

C´est moi!

2005-01-18T18:33:00.000Z

Ég gerði soldið skemmtilegt í dag, ég bjó til sjálfsmynd á sérstakri síðu þar sem hægt er að búa til karaktera eða sjálfsmynd. Hér kemur hún:

Mjög líkt mér.... ef ég væri súpermódel haha.

Er ég þunn? ...yes I am

2005-01-16T22:13:00.000Z

Það er greinilegt að maður er ekki sami spræki unglingurinn og maður var fyrir nokkrum árum. Þetta var helgi ólík öllum mínum helgum undanfarið. Á föstudaginn fórum við Raggi á kojufyllerí hérna heima. Það þarf ekki mikið til að skemmta okkur skal ég segja ykkur. Þetta byrjaði með góðum mat og nammi og soleis, síðan var danskeppni. Einn stjórnaði tónlistinni og mátti breyta um lag hvenær sem er og hinn varð að túlka lagið í dansi. Raggi hafði gott forksot þar sem hann hefur þróað þá sjalgæfu tækni að „sleppa sér“ þegar hann dansar. Mjög tilfinningaþrungið. Ég hélt mig mest við „The running man“ og „Big booty dansinn“ en Raggi átti sigurinn. Ég mun setja inn myndir rétt á eftir frá kepnninni.
Næst var haldin Geomagnets keppni. Við áttum að búa til áfasta byssu á hendina úr Geomagnets dóti, svona seglar sem maður festir saman. Úrslitin voru of jöfn svo að við unnum bæði. (Sjá líka myndir úr Geomagnetskeppni)
Í gær fórum við í snilldar matarboð til Njalla. Borðuðum nautakjöt og drukkum rauðvín. Svo kom Alli og við fórum öll í partý til Brynju og Hafdísar. Eins og mörg kvöld enduðum við á 22 í villtum dansi fram á nótt. Fínt kvöld.
Núna sit ég heima, þunn og nenni ekki skólann í fyrramálið. Þarf bara að mæta einu sinni í viku þessa dagana en nenni samt ekki að mæta haha.
Ég hef ákveðið að taka mér árs frí eftir útskrift og fara að læra japönsku í háskólanum ef við verðum hérna heima næsta vetur. Þá ætlar Raggi að fara í kennaranámið í LHÍ. Annars kemur þetta allt í ljós.
Fékk meil um daginn frá blaðamanni í Úkraínu sem er að skrifa um kollinn minn í eitthvað úkraínskt blað. Svo verður talað um Ikea sýninguna okkar í næst Icon blaðinu, held það fáist í flestum bókabúðum ef einhver vill kíkja á það. Vei vei!
Jæja, ætla að fara að skoða mindless síður á netinu.
Hve últra krúttleg er þessi sérunna Blythe dúkka sem er verið að selja á ebay?! Ég vil!!

Bæjó, í bili þó
Hakkheiður

Sunnudagur til leti.

2005-01-09T13:11:00.000Z

Það er órtúlegt hvað manni tekst vel að snúa við sólahringnum í jólafríinu. Ég stillti klukkuna mína á níu í morgun en var að vakna bara núna rétt áðan. Skólinn byrjar á morgun svo það er eins gott að maður fari að snúa þessu við.
Ég held að rigerðin sé á réttri braut hjá mér en mér tekst einhvernvegin að gera allt annað en að skrifa haha, eins og t.d. núna er ég að blogga í staðinn. Ekki af því að mig langaði það geðveikt heldur af því að ég nenni ekki að byrja að skrifa.
Við Raggi erum mikið að hugsa um skólamál núna. Við erum búin að finna nokkra skóla sem okkur langar í. Ég ætla að sækja um í Eindhoven, Central Saint Martins og Currey. Það sem mig langar mest í er Man and Humanity sem leggur áhreslu á umhverfisvæna og mannvæna hönnun. Raggi er en að hugsa málin. Við ætlum að sjá hvernig gengur með að komast inn. Annars ætlum við að sækja um aftur næst, þá ætlar Raggi að taka kennarann hérna heima. Þá höfum við líka tíma til að fara út og skoða þessa skóla. Maður veit í rauninni svo lítið hvað maður er að fara að borga þennan haug af peningum í.
Það er soldið freistandi að taka frí í ár, ef ég fengi góða vinnu. Þá gæti ég borgað upp skuldir, hannað helling, stundað magadansinn af fullum krafti og unnið í heimasíðunum mínum, en ég ætla að opna nýja undirsíðu af nýju heimasíðunni minni umemi sem verður fyrsta íslenska Blythe síðan. Þetta verður svona hobbí í sumar.
Ég var að byrja á Bollywood námskeiði í magadanshúsinu, ekkert smá gaman og erfitt úff.
Svo byrjar skólinn gamli á morgun. Ég hlakka auðvitað mikið til að hitta gengið en er ekki alveg að nenna þessu brjálæði sem er framundan. En auðvitað mun ég gera mitt besta, ætla núna eð fara og brillera í ritgerðinni minni :D
Hafið það gott gullin mín

Ragnheiður

Rannsóknarefni

2005-01-06T17:53:00.000Z

Nú eru B.A. ritgerðar skrif í fullum gangi. Við eigum að skila fyrsta uppkasti eftir viku. Eins og ég var búin að tala um áður er ég að skrifa um söfnun og safnara. En af því að það hefur verið ítarlega skrifað um þetta efni hef ég ákveðið að skoða þetta allt út frá hinni yndislegu dúkku Blythe, þar sem hún er orðin vinsæl til söfnunar um allan heim og svona hálfgerð tískubylgja.
En auðvitað til að geta rannsakað þetta efni allt miklu betur "neyðist" ég til þessa að fjárfesta í annari Blythe. Ég er auðvitað alveg miður mín ;)
Sunday Very Best varð fyrir valinu að þessu sinni. Mig langaði að fá ljóshærða og svo eru fötin hennar æðisleg.
Sunday Very Best er samkvæmt heimildum mjög trúuð og fer í messu á hverjum sunnudegi. Þó hún sé íhaldssöm og gamaldags bætir hún upp fyrir það með góðum fatasmekk.
Hér eru myndir af nýjasta meðliminum í safninu mínu:

Adios
Blytheheiður

Cheburashka!

2005-01-04T14:21:00.000Z

Ég fann þennan krúttlega kall frá Rússlandi og varð bara að skella mynd af honum hér. Hann heitir Cheburashka.
Heyrið hann syngja hér:
lag

Sprengigóð mynd!!!

2005-01-04T01:26:00.000Z

Ég var að enda við að horfa á magnaða heimildamynd sem heitir The Corporation. Tími til að opna augun og halda þeim opnum!

Eitt að lokum........

2004-12-31T13:12:00.001Z

Núna eru aðeins tólf tímar í það að árið líði og finnst mér þá tilvalið að nýta seinasta bloggið mitt á árinu að tala um eitthvað sem vert er að íhuga.
Hugmyndina fyrir því að skrifa eitthvað um þetta myndaðist í gær þegar ég og familían sátum og horfðum á Eyes wide shut. Þetta var nú bara ágætis mynd og allt það enda er Kubrick mikill snillingur. Samtal áhorfenda beindist að því að nekt er orðin algengari í Amerískum myndum en áður og að það væru nú einungis framför hjá Ameríkönum þar sem nekt hefur verið algjört tabú en ofbeldi alveg sjálfsagt. Það sem mér fannst hinsvegar fáránlegt er að nakt fólk í sjónvarpinu er ábyggilega um 70-80 % kvenkyns. Af hverju er það hugsaði ég.... jú af því að fólkið sem býr til myndirnar og stjórnar bransanum er ábyggilega 70-80 % (eða jafnvel meira) karlkyns.
Þetta var aðeins byrjunin, ég fór að hugsa meira og meira um þetta og lá andvaka fram á nótt að íhuga þetta allt saman betur. Skiljanlega var ég orðin mjög reið á endanum og ætla hér að láta allt flakka.
Ég tel mig hafa opnað augun meira og meira í gegn um tíðina og gert mér grein fyrir misréttinu í kringum mig. Seinustu ár hef ég t.d. verið að vinna sumarvinnu á miklum karlrembuvinnustað þar sem m.a. allir karlmenn fá 100% vinnu en aðeins þær konur sem hafa unnið þarna í einhvern tíma. Ég veit ekki hve oft ég hef bölvað þessu í samtölum mínum við samstarfskonur mínar í vinnunni en það er eins og öllum sé alveg sama, flestar þeirra horfa bara á mig eins og ég sé vitlaus.... greinilega ekki viðurkennd hegðun. Ég hef lennt í því að þurfa með litlum hóp kvenna að sjá um fulla búð af fólki á meðan "strákarnir" plús yfirmaður sátu inni á kaffistofu og horfðu á körfuboltaleik. Ég hefði líka valið körfuboltaleikinn hefði ég haft val á. Ég get komið með endalausar sögur úr vinnunni.

Ég skrifaði um daginn ritgerð í siðfræði um kosti og galla þess fags sem ég hef valið mér. Ég hef valið mér fag dauðans hvað varðar jafnrétti kvenna. Þó að stór meirihluti nemenda í vöruhönnun séu kvennkyns get ég aðeins nefnt einn þekktan kvennkyns hönnuð. Hönnunarheiminum er algjörlega stjórnað af karlmönnum.
Mér fannst það mjög skrítið í skólanum í vetur þegar bekkjabræður mínir kvörtuðu yfir því að við hefðum haft of marga kvenkyns kennara. Ég fór að ímynda mér ef stelpurnar hefðu farið að kvarta yfir of mörgum karlkyns kennurum (en eftir útreikning hafa þeir allt í allt verið í meirihluta) og mér finnst hálf undarlegt bara það að skilgreina kennara á þennan hátt. Ættum við ekki að vera að hugsa um hvort hann sé góður kennari eða ekki, en ekki hvort hann sé karl eða kona. Þetta er eitt af því sem hefur hrærst í heilanum á mér seinustu mánuði og ég næ engum botni í.
Jújú, konur hafa náð langt í baráttu sinni um jafnrétti en mjög stutt miðað við tímann og vinnuna sem farið hafa í þetta allt saman. Karlmenn eiga ekki alla sökina af því að þrátt fyrir að konur hafi orðið jafnari leyfa þær enþá að láta móta sig í sama farið : konur eiga að vera settlegar og siðprúðar og bla bla bla bla...... Af hverju er klúrasta konublaðið Cosmopolitan, það er eina blaðið sem mér dettur í hug þar sem af og til finnast myndir af "meira berum en vanalega" karlmönnum en annars eru þetta greinar um það hvernig eigi að vera góð í rúminu eða líta vel út í bikiní eða eitthvað annað eins rugl. Það eru engin blöð, vefsíður, stöðvar og staðir sem tengjast nekt og kynferði sem höfða til kvenna. Af hverju ekki??? Það þarf enginn að segja mér að konur hafi ekki áhuga á þessu alveg jafn mikið og karlmenn. Ég held að ástæðan sé einfaldlega sú að konur þori ekki að viðurkenna það af því að þær eiga jú að vera siðprúðar og fínar og líka út af því að það eru aðvitað einungist karlmenn sem stjórna þessum bransa. Ég er svo hissa yfir því að engum hafi dottið í hug að opna nektarstað fyrir kvennfólk, hver hefur ekki rekist á myndir frá konukvöldum bara hérna á íslandi, það þarf enginn að segja mér að eigendurnir hafi ekki verið að græða.
Hvað er málið?? Er verið að halda konum í skefjum, passa að þær uppgötvi ekki of mikið??
Ég segi bara gefum skít í þetta allt saman og byrjum að móta okkur sjálfar eins og við sjálfar viljum vera, annars munu karlmenn aldrei taka mark á okkur.
Ég vil taka það fram að lokum að femínisti er manneskja sem stuðlar að jafnrétti kvenna. Þetta er ekki neikvætt orð eins og svo margir halda og þýðir ekki: beisk kelling á túr sem vill að konur ráði yfir heiminum.
Takk fyrir og gleðilegt ár!
Ragnheiður Ösp

Árslisti Ragnheiðar 2004

2004-12-28T22:32:00.000Z

Hér kemur listi yfir nokkra góða hluti á árinu 2004:

Tónlist ársins: Af mörgum góðum finnst mér ég verða að velja Deerhoof af því að ég fílaði hana alveg frá því ég heyrði í henni fyrst.
http://deerhoof.killrockstars.com/

Annað gott: Hot Chip, Yeah yeah yeahs, Le Tigre, Adem, The Shins, Keane, Peaches og Kraftwerk.

Tónleikar ársins: Kraftwerk voru lang bestir! Ekki litlir lengur en alveg jafn góðir.
http://www.kraftwerk.com/

Aðrir góðir: Peaches, Blonde Redhead, Lou Reed, Hot Chip, The Shins og Keane.

Mynd ársins: Heartlands. Þessi mynd kom víst út 2002. Ég sá hana bara í gær og fannst hún algjört æði. Ekta feel good movie.
http://www.imdb.com/title/tt0295303/

Aðrar góðar: Eternal sunshine of the spotless mind, The Incredibles, Garden State, Napoleon Dynamite, The Terminal og Kill Bill 2.

Bók ársins: Las ekki margar en Da Vinci Lykillinn var snilld.

Aðrar góðar: "I was a robot" , " The value of things" og "This is Blythe".

Ferð ársins: New York ferðin í janúar!!

Aðrar góðar: Eina aðra ferðin sem ég fór í var í Vík og Skaftafell í hitabylgju. Einnig góð ferð. Og Melbæjarskelda, dansað í rigningunni fram á nótt og grillað í hjólbörum!

Hönnuður ársins: Ég hefði viljað sjá fleiri konur í ár en ég vel Tord Boontje fyrir að hanna ótrúlega fallega hluti.
http://www.tordboontje.com/

Aðrir góðir: Hella Jongerius og Bouroullec.

Sýning ársins: Sýningin á verkinu "Nickel Bag" eftir David Shapiro í PS1 safninu í Queens, NY. Verkið er samansafn af hlutum sem Shapiro týndi af götunni í 10 ár. 3 hluti hvern dag.

Aðrar góðar: Koons sýningin í Listasafni Íslands, FÍT sýningin í Hafnarhúsinu og Fogg museum í Cambridge.

Sjónvarpsþáttur ársins: Þessi þáttur er ekki kominn til Íslands en þegar hann kemur þá verða allir að horfa á hann. Lost er nafnið, snilld er orðið!

Aðrir góðir: Americas next supermodel, 4400, Simpsons og Nip Tuck.

Vefsíða ársins: www.thisisblythe.com er sú síða sem ég hef mest skoðað.

Aðrar góðar: www.candystand.com (til að eyða tíma) og svo má ekki gleyma nýju síðunnu minni : http://honnun.lhi.is/~ragnheidurosp/

Hlutur ársins: Hlutir ársins eru tveir. Bleiki Ipod-inn minn sem ég fékk í jólagjöf og Blythe dúkkan mín.

Aðrir góðir: Súkkulaði, magadans, túnfiskpasta, náttbuxur og tvær gamlar á 200 í James Bönd.

Gleðileg Jól!

2004-12-18T18:18:00.000Z